OMMAVIY OFERTA

"Korzinka & "International Beverages Tashkent" QK MCHJ" REKLAMA AKSIYASINI O‘TKAZISH QOIDALARI

(KEYINGI O‘RINLARDA — "QOIDALAR")

1. Korzinka & "International Beverages Tashkent" QK MCHJ" REKLAMA AKSIYASI (keyingi o‘rinlarda — “Aksiya”) noma’lum doiralar o‘rtasida PEPSI, LAY'S tovar belgilariga nisbatan qiziqish uyg‘otish va ushbu qiziqishni qo‘llab-quvvatlash, ijobiy imijni shakllantirish hamda mazkur turdagi mahsulotlarga nisbatan iste’mol talabini shakllantirish, shuningdek, ushbu mahsulotlar savdosi hajmini oshirish maqsadida o‘tkaziladi.  Aksiya lotereya, qimor o‘yini emas, Ishtirokchilardan Aksiyada qatnashish uchun badal to‘lash talab qilinmaydi.

2. AKSIYA TASHKILOTCHISI HAQIDA MA’LUMOT

2.1.  Aksiya tashkilotchisi (keyingi o‘rinlarda “Tashkilotchi”): “International Beverages Tashkent” MCHJ QK — O‘zbekiston Respublikasi qonunchiligiga muvofiq tashkil etilgan yuridik shaxs, STIR: 301 975 029, O‘zbekiston Respublikasi, Toshkent sh., Sergeli tumani, Qum-Ariq ko‘chasi, 7-o‘tish, Qumariq MSG, 3 a-uy manzilida joylashgan.

2.2 AXBOROT HAMKORI HAQIDA MA’LUMOT.

Axborot hamkori (keyingi o‘rinlarda — “Axborot hamkori"): “ANGLESEY FOOD” MCHJ ХК — O‘zbekiston Respublikasi qonunchiligiga muvofiq tashkil etilgan yuridik shaxs, STIR: 202 099 756, O‘zbekiston Respublikasi, Toshkent sh., Yakkasaroy tumani, Kichik halqa yo‘li k-si, 120, pochta indeksi: 100015.

3. AKSIYA O‘TKAZILADIGAN MUDDAT

3.1.  Aksiya o‘tkaziladigan muddat: 2023 yil 7 martdan 2023 yil 15 aprelgacha (shu sana ham hisobga olinadi) (keyingi o‘rinlarda, shuningdek, “Aksiya muddati” yoki “Aksiya davri” deb ham yuritiladi).

3.2.  Aksiya mahsulotlarini xarid qilish muddati: 2023 yil 7 martdan 2023 yil 15 aprelgacha (shu sana ham hisobga olinadi).

3.4.  Aksiya Gʻoliblarini aniqlashning oxirgi muddati: 2023 yil 16 apreldan 2023 yil 20 aprelgacha (shu sana ham hisobga olinadi) – Aksiya amaldagi qoidalarining 9.2-bandida ko‘rsatilgan Sovrinlar o‘yinini o‘tkazish jadvaliga muvofiq.

3.5.  Amaldagi Qoidalarda ko‘rsatilgan barcha muddatlar O‘zbekiston Respublikasining Toshkent shahri vaqti bo‘yicha hisoblanadi.

4. HUDUD, PROMO-SAYT VA AXBOROT BERISH TARTIBI

4.1.  Aksiya O‘zbekiston Respublikasi (keyingi o‘rinlarda – O‘zbekiston) hududida joylashgan Korzinka, Korzinka DISKONT va Smart supermarketlari tarmog‘ida o‘tkaziladi. Qoraqalpog‘iston Respublikasi, Nukus shahri, Yernazar Alakuz ko‘chasi, 162-uy va Qashqadaryo viloyati, Shahrisabz shahri, Maftunkor ko‘chasi, 35-uy (keyingi o‘rinlarda – Aksiya o‘kaziladigan hudud) manzillarida joylashgan franshiza asosida faoliyat yurituvchi Korzinka DISKONT supermarketlari bundan mustasno.

4.2.  Ishtirokchilarni Aksiyada ishtirok etish tartibi, Aksiya shartlari (shu jumladan,  o‘zgartirishlar, qo‘shimchalar), Aksiya qoidalari to‘g‘risida xabardor qilish quyidagicha amalga oshiriladi:

1) aksiya Axborot hamkorining rasmiy internet-sahifasida — https://korzinka.uz/ (yuqorida, bu yerda va bundan so‘ng – “Sayt”)

2) Tashkilotchining tanloviga ko‘ra boshqa usullar bilan.

3) Aksiya bo‘yicha savollar uchun elektron manzil: info@korzinka.uz.

4.3.  Tashkilotchi istalgan vaqtda Aksiya shartlarini o‘zgartirish va/yoki to‘ldirishga, uni muddatidan avval tugatishga, Aksiya haqida qo‘shimcha ma’lumotlarni e’lon qilishga haqli.  Aksiya va uning shartlari to‘g‘risidagi ma’lumotlarni o‘zgartirish va/yoki qo‘shimcha qo‘shish, agar ular Tashkilotchi tomonidan ma’qullangan va aksiyaning Axborot hamkori internet-sahifasida e’lon qilingan bo‘lsa, mumkin.

4.5.  Tashkilotchi Aksiya Ishtirokchilari bilan yozma muzokaralar yoki boshqa aloqalarga kirishmaslik huquqini o‘zida saqlab qoladi. O‘zbekiston Respublikasining amaldagi qonunchiligi va amaldagi Qoidalarda nazarda tutilgan holatlar va nizolar yuzaga kelgan vaziyatlar bundan mustasno.

5. AKSIYA MAHSULOTI

5.1.  Aksiya quyidagi savdo belgilari ostidagi mahsulotlarga nisbatan o‘tkaziladi: PEPSI, LAYS (keyingi o‘rinlarda — “Aksiya mahsuloti”):

Pepsi ichimligi t/b 0,25 L

Pepsi ichimligi t/b 0,449 L

Pepsi ichimligi t/b 0,5 L

Pepsi ichimligi p/b 0,26 L

Pepsi ichimligi p/b 0,5 L

Pepsi ichimligi p/b 1 L

Pepsi ichimligi p/b 1,5 L

Pepsi ichimligi p/b 2 L

Lay's chipslari Max Ko‘kpiyoz 150g

Lay's chipslari Max Smetana va piyoz 150g

Lay's chipslari Max Pishloq 150g

Lay's chipslari Smetana va ko‘kat 150g

Lay's chipslari Kabob 20g

Lay's chipslari Pishloq 20g

Lay's chipslari Smetana va ko‘kat 20g

Lay's chipslari Smetana va ko‘kat 225g

Lay's chipslari Tuz 225g

Lay's chipslari Smetana va piyoz 225g

Lay's chipslari Ko‘kpiyoz 225g

Lay's chipslari Stix Smetana va piyoz 125g

Lay's chipslari Stix Ketchup 125g

Lay's chipslari Stix Cheddar pishlog‘i 125g

Lay's chipslari Stix Cheddar pishlog‘i 65g

Lay's chipslari Stix Ketchup 65g

Lay's chipslari Stix Smetana va piyoz 65g

Lay's chipslari Smetana va ko‘kat 50g

Lay's chipslari Pishloq 50g

Lay's chipslari Smetana va piyoz 50g

Lay's chipslari Pishloq 90g

Lay's chipslari Ko‘kpiyoz 90g

Lay's chipslari Smetana va ko‘kat 90g

Lay's chipslari Smetana va piyoz 90g

Lay's chipslari Kabob 90g

Lay's chipslari Salsa sousili kesadilya 140g

Lay's chipslari Teriyaki tovug‘i 140g

Lay's chipslari Gril qovurg‘alari 140g

Lay's chipslari Kabob 140g

Lay's chipslari Tuz 140g

5.2.  Aksiya mahsuloti Ishtirokchi tomonidan amaldagi Qoidalarning 3.2-bandida ko‘rsatilgan muddatda, O‘zbekiston Respublikasi hududida joylashgan Korzinka, Korzinka DISKONT va Smart chakana savdo tarmog'i supermarketlarida sotib olinishi kerak. Franshiza asosida faoliyat yurituvchi va Qoraqalpog‘iston Respublikasi, Nukus shahri, Yernazar Alakuz ko‘chasi, 162-uy va Qashqadaryo viloyati, Shahrisabz shahri, Maftunkor ko‘chasi, 35-uy manzillarida joylashgan“Korzinka” DISKONT supermarketlari bundan mustasno.

6. AKSIYA ISHTIROKCHILARI

6.1.  Aksiya Ishtirokchilari (bu o‘rinda, yuqorida va keyingi o‘rinlarda birgalikda – “Ishtirokchilar”, yakka tartibda – “Ishtirokchi”) muomalaga layoqatli jismoniy shaxslar, O‘zbekiston Respublikasi hududida doimiy yashovchi va 18 yosh (o‘n sakkiz yosh)ga to‘lgan O‘zbekiston Respublikasi fuqarolari bo‘lishi mumkin. Ular aksiya axborot hamkorining sodiqlik Dasturida ro‘yxatdan o‘tgan hamda Korzinka va Smart chakana-savdo tarmoqlari supermarketlarining amaldagi / faol jismoniy yoki virtual (virtual sodiqlik kartasi Korzinka ilovasida ro‘yxatdan o‘tgan bo‘lishi kerak) sodiqlik kartasi egasidir. Ishtirokchilar Aksiyaning amaldagi qoidalari shartlarini bajargan va O‘zbekiston Respublikasining amaldagi qonunchiligi talablariga muvofiq, Aksiyada qatnashish uchun hech qanday cheklovlari bo‘lmagan shaxslardir.

6.2. Aksiyada 18 yoshga to‘lgan, muomalaga layoqatli, O‘zbekiston Respublikasi fuqarosi bo‘lgan, O‘zbekiston Respublikasi hududida doimiy yashovchi va ro‘yxatdan o‘tgan, aksiya axborot hamkorining sodiqlik Dasturida ro‘yxatdan o‘tgan hamda Korzinka va Smart chakana-savdo tarmoqlari supermarketlarining amaldagi / faol jismoniy yoki virtual (virtual sodiqlik kartasi Korzinka ilovasida ro‘yxatdan o‘tgan bo‘lishi kerak) kartasi egasi bo‘lgan shaxslardir.

6.2.1 Aksiyada identifikatsiyadan o‘tgan, amaldagi FISH ma'lumotlari va foydalanuvchi telefon raqami ko‘rsatilgan Korzinka kartalari ishtirok etishlari mumkin.

6.3.  Quyidagilar Aksiyada qatnashishi mumkin emas:

• aksiya Tashkilotchisi va axborot hamkori ishchi-xodimlari;

• Aksiya Tashkilotchisi va Aksiyaning Axborot hamkori bilan bog‘liq deb e’tirof etilgan shaxslar;

• aksiyaning axborot hamkori, Tashkilotchi bilan fuqarolik-huquqiy va boshqa munosabatlarni o‘rnatgan hamda Aksiyani tashkil etish va (yoki) o‘tkazish, aksiya mahsulotlari realizasiyasi bilan bog‘liq bo‘lgan ishchi-xodimlar va uchinchi shaxslar vakillari;

• yuqoridagi shaxslarning yaqin qarindoshlari, to‘laqonli va to‘laqonli bo‘lmagan ( otasi yoki onasi bir bo‘lgan) aka-uka va opa-singillar;

•  Aksiyaning amaldagi qoidalari shartlarini bajarmagan shaxslar;

• chet el fuqarolari (boshqa davlatlar fuqarolari) va fuqaroligi bo‘lmagan shaxslar.

Aksiya amaldagi Qoidalarining 6.4.  6.1., 6.2., 6.3-bandlari va boshqa bo‘limlarida ko‘rsatilgan shartlarga javob bermaydigan shaxslarning Aksiyada ishtirok etish fakti aniqlangan taqdirda Tashkilotchi bunday shaxslarni Aksiyada ishtirok etishi va/yoki sovrin olishini rad etishga haqli.

7. AKSIYANING SOVRINLAR JAMGʻARMASI

7.1.  Aksiyaning Sovrinlar jamg‘armasi Tashkilotchi mablag‘lari hisobidan shakllantiriladi, haftalik sovrinlarni, Bosh sovrin (bu o‘rinda, yuqorida va keyingi o‘rinlarda “Aksiya mukofotlari”)ni o‘z ichiga oladi.

Aksiyaning umumiy sovrinlari miqdori cheklangan.

7.2.  Haftalik mukofotlar:

• Korzinka savdo tarmog‘ining nominal qiymati 500 000 (Besh yuz ming) so‘mlik Sovg‘a sertifikati – butun Aksiya Davri uchun jami 42 (qirq ikki) dona;

7.3.  Bosh mukofot:

• Asosiy sovrin — Chempionlar Ligasi finali uchun ikki kishilik Silver paket — butun Aksiya Davri uchun 1 (bir) dona.

Quyidagilardan iborat:

1. Mehmonxonada ikki kishilik xonaga joylashish

2. Chempionlar ligasi finalida ishtirok etish

3. Fan-zonaga kirish

4.Toshkent-Istanbul-Toshkent yo‘nalishi bo‘yicha 2 kishilik aviachiptalar

2-o‘rin uchun SonyPlaystation  5 Digital Edition 825GB SSD O‘yin pristavkasi

3-o‘rin uchun Samsung UE-43AU7500 televizori

7.5.  Tashkilotchi Aksiyaning Sovrin jamg‘armasini o‘zgartirish, shu jumladan, sovrinlar soni, komlektasiyasi, turi va boshqa xususiyatlarini o‘zgartirish, shuningdek, Aksiyaning amaldagi qoidalari (Oferta)da nazarda tutilmagan boshqa Sovrinlarni Aksiyaga kiritish huquqini o‘zida saqlab qoladi.

7.6.  Aksiya sovrinlarining ko‘rinishi, ularning o‘lchami, tasvirlari, qadoq ranggi va boshqa xususiyatlari reklama materiallarida taqdim etilgan tasvirlar va Ishtirokchilarning shaxsiy taxminlariga mos kelmasligi mumkin. Aksiya sovrinlari sifatida taqdim etiladigan tovarlar sifati uchun javobgarlik ushbu tovarlarni ishlab chiqaruvchi zimmasiga yuklanadi.

7.7.  Tashkilotchi tomonidan Sovrinlarning pul ekvivalenti berilmaydi, boshqa Sovrinlar bilan almashtirilmaydi.

8.  AKSIYADA ISHTIROK ETISH TARTIBI VA SHARTLARI

8.1.  Aksiyada ishtirok etish uchun Ishtirokchi amaldagi Qoidalarning 3-qismida ko‘rsatilgan Aksiya muddati ichida quyidagi konklyudent harakatlar ketma-ketligini bajarishi kerak:

8.2.  Amaldagi Qoidalarning 8.1-bandiga muvofiq, Aksiya mahsulotini xarid qilgan Qoidalarning 9.2-bandida ko‘rsatilgan tegishli muddatda 40 000 (qirq ming) so‘m va undan ortiq miqdordagi Aksiya mahsuloti uchun amaldagi Qoidalarning ("Aksiya mahsulotlarini sotib olish muddati" bo‘limi), 4.1-bandida ko‘rsatilgan "Korzinkа", Korzinka DISKONT va “Smart” savdo tarmoqlarining istalgan do‘konidan Korzinka va Smart chakana savdo tarmog‘ining jismoniy sodiqlik kartasidan yoki Korzinka ilovasida ro‘yxatdan o‘tgan Korzinka va Smart chakana savdo tarmog‘ining virtual sodiqlik kartasidan foydalangan holda sotib olingan Aksiya mahsuloti Aksiyaning Sovrinlar o‘yini (keyingi o‘rinlarda — "Ariza")da ishtirok etish uchun Amaldagi Qoidalarning 9.2-bandi  (“Gʻoliblarni aniqlash sanasi” va “Sovrinlar miqdori va turlari” bo‘limlari)ga muvofiq 1 (bir)ariza hisoblanadi.

Amaldagi Qoidalarning 8.1-bandiga muvofiq, bir fiskal chekda 40000 so‘mlik va undan ortiq Aksiya mahsulotlarini xarid qilganligi uchun- Aksiyaning sovrinlar o‘yinida ishtirok etish uchun 1 (bir) Arizaga teng.

8.4.  Agar shaxs amaldagi Qoidalarning 8.1-bandiga muvofiq, 1 (bir) fiskal chekda 40 000 (qirq ming) so‘m va undan ortiq miqdorda Aksiya mahsulotini olgan bo‘lsa, bu Aksiyaning sovrinlar o‘yinlarida ishtirok etish uchun 1 (bir) ariza hisoblanadi.

8.5.  Ishtirokchi tomonidan sotib olinadigan Aksiya mahsulotlari soni cheklanmagan.

8.6.  Ishtirokchi tomonidan amaldagi Qoidalarning 9.2-bandi ("Aksiya mahsulotlarini xarid qilish davri" bo‘limi)da ko‘rsatilgan tegishli muddatlarda Aksiyaning sovrinli o‘yinlarida qatnashish uchun qancha ko‘p ariza topshirilgan (turli xil fiskal cheklar bo‘yicha Aksiya mahsulotlariga ega bo‘lingan) bo‘lsa, uning Aksiya g‘olibi (Sovrinlar egasi/Aksiya Sovrinlari) bo‘lish imkoniyati shunchalik yuqori bo‘ladi.

8.7.  Agar Ishtirokchi Aksiya Gʻolibi (har qanday Sovrin/Aksiya Sovrinlari) bo‘lsa, Sovrin yutib olingan ariza avtomatik tarzda bekor qilinadi, keyinchalik Aksiyada ishtirok etish uchun Ishtirokchi Aksiya mahsulotini Aksiyaning amaldagi shartlariga muvofiq qayta sotib olishi kerak.

9. AKSIYA GʻOLIBLARINI ANIQLASH

9.1.  Aksiyaning butun davri davomida Tashkilotchi quyidagilarni amalga oshiradi:

- Haftalik sovrinlarning 6 (oltita) o‘yini (keyingi o‘rinlarda — “Haftalik o‘yin”)

- Bosh sovrin (keyingi o‘rinlarda — “Asosiy o‘yin”) uchun 1 (bir) o‘yin

- 2-o‘rin uchun 1 (bir) o‘yin

- 3-o‘rin uchun 1 (bir) o‘yin

Amaldagi Qoidalarning 9.2-bandida belgilangan Aksiyaning Sovrinlar o‘yinlari jadvali (keyingi o‘rinlarda — “Sovrinlar O‘yinlari jadvali”)ga muvofiq. 

9.2.  Haftalik sovrinlar g‘oliblari RANDOM.ORG kompyuter dasturi yordamida Instagram @pepsi_uzbekistan ijtimoiy tarmog‘ining rasmiy sahifasida amaldagi Qoidalarning 8-bo‘limida ko‘rsatilgan shartlarni quyidagi “Sovrinli o‘yinlar jadvali”da ko‘rsatilgan tegishli davrlar (keyingi o‘rinlarda — Aksiya mahsulotlarini xarid qilish davri)da bajargan Ishtirokchilar orasidan random tarzda aniqlanadi. Bosh sovrin va ikkinchi va uchinchi o‘rinlar uchun qo‘shimcha sovrinlar Gʻolibi esa RANDOM.ORG kompyuter dasturi yordamida Instagram @pepsi_uzbekistan ijtimoiy tarmog‘ining rasmiy sahifasida onlayn tarzda  amaldagi Qoidalarning 8-bo‘limida ko‘rsatilgan shartlarni quyidagi “Sovrinli o‘yinlar jadvali”da ko‘rsatilgan tegishli davrlar (keyingi o‘rinlarda — Aksiya mahsulotlarini xarid qilish davri)da bajargan Ishtirokchilar orasidan random tarzda aniqlanadi.

Aksiya mahsulotlarni xarid qilish davri (Toshkent vaqti bilan)	Gʻoliblarni aniqlash sanasi (Toshkent vaqti bilan	Sovrinlar soni va turi
07.03.2023 00:00 dan  13.03.2023 23:59 gacha	15.03.2023 y.	Haftalik sovrin - Korzinka savdo tarmog‘ining 500 000 (Besh yuz ming) so‘m nominaldagi Sovg‘a sertifikati - 7 (yetti) dona
14.03.2023 00:00 dan  20.03.2023 23:59 gacha	26.03.2023 y.	Haftalik sovrin - Korzinka savdo tarmog‘ining 500 000 (Besh yuz ming) so‘m nominaldagi Sovg‘a sertifikati - 7 (yetti) dona
21.03.2023 00:00 dan 27.03.2023 23:59 gacha	31.03.2023 y.	Haftalik sovrin - Korzinka savdo tarmog‘ining 500 000 (Besh yuz ming) so‘m nominaldagi Sovg‘a sertifikati - 7 (yetti) dona
28.03.2023 00:00 dan 03.04.2023 23:59 gacha	06.04.2023 y.	Haftalik sovrin - Korzinka savdo tarmog‘ining 500 000 (Besh yuz ming) so‘m nominaldagi Sovg‘a sertifikati - 7 (yetti) dona
04.04.2023 00:00 dan 10.04.2023 23:59 gacha	12.04.2023 y.	Haftalik sovrin - Korzinka savdo tarmog‘ining 500 000 (Besh yuz ming) so‘m nominaldagi Sovg‘a sertifikati - 7 (yetti) dona
11.04.2023 00:00 dan 15.04.2023 23:59 gacha	21.04.2023 y.	Haftalik sovrin - Korzinka savdo tarmog‘ining 500 000 (Besh yuz ming) so‘m nominaldagi Sovg‘a sertifikati - 7 (yetti) dona
07.03.2023 00:00 dan 15.04.2023 23:59 gacha	21.04.2023 y.	Asosiy sovrin – Chempionlar Ligasi finali uchun ikki kishilik Silver to‘plam – butun Aksiya davri uchun 1 (bir) dona. Quyidagilarni o‘z ichiga oladi: 1. Mehmonxonada yashash 2. Matchda qatnashish 3. Fan-zonaga kirish 4. Toshkent-Istanbul-Toshkent yo‘nalishi bo‘yicha ikki kishilik aviachiptalar
07.03.2023 00:00 dan 15.04.2023 23:59 gacha	21.04.2023 y.	Sony PlayStation 5 Digital Edition 825GB SSD o‘yin pristavkasi
07.03.2023 00:00 dan 15.04.2023 23:59 gacha	21.04.2023 y.	Samsung UЕ-43AU7500 televizori

* Aksiyaning Sovrinlar o‘yinini o‘tkazish jadvali O‘zbekiston Respublikasi qonunchiligida belgilangan dam olish va bayram kunlarini hisobga olgan holda, shuningdek, Tashkilotchiga bog‘liq bo‘lmagan holatlar yuzaga kelgan taqdirda Tashkilotchi tomonidan o‘zgartirilishi mumkin.

9.3.  Har qanday o‘yin  Aksiyaning ro‘yxatdan o‘tgan Ishtirokchilari soni o‘ynaladigan Sovrinlar sonidan kamida 4 (to‘rt) barobar ko‘p bo‘lgan taqdirdagina o‘tkaziladi.

9.4.  Agar Sovrin Gʻolibini aniqlash muddati tugagan bo‘lsa va haftalik o‘yin va/yoki asosiy o‘yin sanasi bo‘yicha ro‘yxatdan o‘tgan Ishtirokchilar soni amaldagi Qoidalarning 9.3-bandiga mos kelmasa, potensial Sovrin Gʻoliblarini aniqlash keyingi Gʻoliblarni aniqlash davriga qoldiriladi va keyingi Sovrin Gʻoliblarini aniqlash davrida tarqatiladigan Sovrinlarning umumiy soni oldingi davrda taqsimlanmagan Sovrinlar soniga ko‘paytiriladi.

9.5.  Haftalik va/yoki Asosiy O‘yin o‘tkaziladigan sanada va g‘oliblarni aniqlashda Tashkilotchi asosiy g‘oliblar (keyingi o‘rinlarda — “Asosiy g‘olib” va/yoki “Gʻolib”) va zaxiradagi (muqobil) g‘oliblar (keyingi o‘rinlarda —  "Muqobil g‘olib")ni aniqlaydi. Har bir O‘yin doirasida asosiy g‘oliblar soni Sovrinlar o‘yinida berilgan sovrinlar soniga teng bo‘lishi kerak;

Har bir o‘yinda muqobil g‘oliblar soni:

- Haftalik o‘yin  - 7 (yetti) ishtirokchi;

- Asosiy o‘yin - 3 (Uch) ishtirokchi.

- 2 (ikkinchi) o‘rin uchun 3 (uch) ishtirokchiga sovrin.

- 3 (uchinchi) o‘rin  uchun 3 (Uch) ishtirokchiga sovrin.

Tashkilotchi Asosiy Gʻolib bilan bog‘lanishning iloji bo‘lmaganda yoki Aksiya shartlarini Asosiy Gʻolib buzganda yoki Asosiy Gʻolib Aksiya shartlariga mos kelmasa, asosiy g‘olib o‘rniga muqobil g‘oliblarni aniqlaydi.

Aksiya tashkilotchisi Zaxiradagi (Muqobil) g‘oliblar ro‘yxatiga kiritilgan Ishtirokchilarning ismlarini oshkor qilishga majbur emas.

9.6.  Har bir Asosiy Gʻolib Korzinka sodiqlik kartasi yoki Korzinka ilovasida ro‘yxatdan o‘tgan virtual Korzinka sodiqlik kartasiga biriktirilgan telefon raqami, Asosiy g‘olibning telefon raqami orqali xabardor qilinadi.

Ishtirokchi Korzinka jismoniy sodiqlik kartasi yoki Korzinka ilovasida ro‘yxatdan o‘tgan virtual Korzinka sodiqlik kartasiga biriktirilgan Asosiy Gʻolibning telefon raqami orqali  g‘alaba haqida xabardor qilinadi. Aksiyaning asosiy g‘olibiga tegishli telefon xizmat doirasidan tashqarida bo‘lsa yoki Aksiyaning asosiy g‘olibi Tashkilotchi asosiy g‘olibni aniqlagan paytdan e’tiboran, Aksiya tashkilotchisiga bog‘liq bo‘lmagan sabablarga ko‘ra, 7 kun qo‘ng‘iroqqa javob bermasa yoki boshqa texnik sabablar tufayli javob bermasa, shuningdek, Asosiy Gʻolib Tashkilotchining qaroriga e’tiroz bildirish imkoniyatisiz g‘alaba qozonish imkoniyatini boy beradi. Aksiya va Ishtirokchining g‘oliblik arizasi esa Tashkilotchi tomonidan bekor qilinadi.  Bunday holda Sovrin muqobil g‘olibga qayta tayinlanadi. Agar Muqobil Gʻolib bilan aloqa bo‘lmasa yoki Muqobil Gʻolib Aksiya shartlarini buzsa yoki Muqobil Gʻolib Aksiya shartlariga mos kelmasa, Sovrin keyingi Muqobil Gʻolibga o‘tkaziladi.

9.7.  Korzinka chakana savdo tarmog‘ining jismoniy sodiqlik kartasini yoki Korzinka ilovasida ro‘yxatdan o‘tgan Korzinka virtual sodiqlik kartasini ro‘yxatdan o‘tkazishda Ishtirokchiga berilgan mobil telefon raqami Ishtirokchida amaldagi Qoidalarning 3-bo‘limida ko‘rsatilganidek, Aksiyaning butun muddati davomida saqlanishi kerak. Mobil telefon raqami uchinchi shaxslarga o‘tkazilganda, ro‘yxatdan o‘tgan mobil telefon raqami o‘zgartirilganda, Gʻolib aksiya sovrinini olish huquqini boy beradi.  Boshqa telefon raqami bilan qayta ro‘yxatdan o‘tishga yo‘l qo‘yilmaydi.

9.8.  1 (bir) ishtirokchi amaldagi Qoidalarning 8.6 va 9.2 bandlarida ko‘rsatilgan shartlar va talablarni hisobga olgan holda haftalik o‘yinlarda takroriy ishtirok etishi mumkin. Shu bilan birga, 1 (bir) Ishtirokchi 1 (bir) haftalik o‘yin davomida 1 (bitta) dan ko‘p bo‘lmagan Sovrinni va butun Aksiya muddati davomida 6 (olti) tadan ko‘p bo‘lmagan haftalik Sovrinlarni olishi mumkin. Ishtirokchi butun Aksiya muddati davomida 1 (bitta) dan ko‘p bo‘lmagan Bosh sovrinni olishi mumkin. Bunday holda agar Ishtirokchi Aksiya g‘olibi (aksiyaning har qanday Sovrini egasi/Sovrin egasi) bo‘lsa, Sovrin yutib olingan ariza avtomatik ravishda bekor qilinadi va keyingi Haftalik o‘yinlar va/yoki Asosiy O‘yinlarda ishtirok etmaydi.

10. SOVRINLARNI OLISH SHARTLARI/TARTIBI

10.1.  Sovrin Gʻolibning shaxsini tasdiqlovchi hujjatning asl nusxasi (yaroqlilik muddati tugamagan fuqarolik pasporti/ID-karta) taqdim etilgandan so‘ng Gʻolib Korzinka ilovasida ro‘yxatdan o‘tgan Korzinka savdo tarmog‘ining jismoniy sodiqlik kartasini yoki virtual kartasini ko‘rsatganida,  shuningdek, Gʻolib Aksiya mahsulotlarini sotib olishda jismoniy yoki virtual Korzinka sodiqlik kartasidan foydalangani haqidagi ma’lumotlar to‘liq mos kelganda topshiriladi. Gʻolibning pasportida individual identifikasiya raqami (IIR/STIR), jismoniy shaxsning shaxsiy identifikasiya raqami (JSHSHIR), Gʻolibning doimiy (vaqtinchalik) yashash joyi haqidagi to‘liq va aniq ma’lumot/manzil jam bo‘lishi kerak. Agar Gʻolibda STIR va/yoki Gʻolibning doimiy (vaqtinchalik) yashash joyi haqida to‘liq va aniq ma’lumot/manzil bo‘lmasa, Gʻolibning shaxsini tasdiqlovchi hujjatda (yaroqlilik muddati o‘tmagan fuqarolik pasporti/ID-karta) to‘liq va aniq ma’lumotlar Gʻolibning doimiy (vaqtinchalik) yashash joyi haqida aniq ma’lumot/manzil va/yoki Gʻolibning STIRi Gʻolib tomonidan qo‘shimcha ravishda taqdim etiladi.

10.2.  Agar Gʻolib o‘z yutug‘ini Aksiya o‘yinlari tugaganidan keyin 20 (yigirma) ish kuni ichida olmasa, Tashkilotchi uni o‘z xohishiga ko‘ra tasarruf etishga haqli.

10.3.  Sovrinni ro‘yxatdan o‘tkazish / olishda Gʻolib barcha kerakli hujjatlarni (Sovrinni ro‘yxatdan o‘tkazish / olish jarayoni bilan bog‘liq) imzolash majburiyatini oladi. Unda Gʻolibning shaxsiy ma’lumotlari ko‘rsatilgan bo‘lishi kerak, shuningdek,  Gʻolib o‘zining shaxsiy ma’lumotlarini o‘zi jamlagan barcha kerakli hujjatlarning asli va/yoki nusxalari (Sovrinni ro‘yxatdan o‘tkazish / olish jarayoni bilan bog‘liq)ni Tashkilotchiga taqdim etish majburiyatini oladi.

10.4.  Aksiya Gʻolibining zarur hujjatlarni imzolashdan va/yoki boshqa yuridik ahamiyatga ega bo‘lgan harakatlarni amalga oshirishdan bosh tortishi, shu jumladan, sovrinlarni olish chog‘ida kerakli hujjatlarni, xususan, shaxsiy ma’lumotlarni taqdim etishdan bosh tortishi Gʻolibning sovrinlarni olishdan bosh tortishi hisoblanadi.

10.5.  Agar Gʻolib amaldagi Qoidalarning sovrinlarni olish tartibida nazarda tutilgan barcha talab va shartlarga rioya qilmasa, Tashkilotchilar Gʻolibga Sovrinni berishni rad etish huquqini o‘zida saqlab qoladi.

10.6.  Sovrinlarni taqsimlash Aksiya sovrinlari o‘ynalganidan keyin 20 (kun) ish kunidan kechiktirmay amalga oshiriladi. Dushanbadan jumagacha ish kuni hisoblanadi. Sovrinlar dushanbadan jumagacha soat 9:00 dan 13:00 gacha va soat 14:00 dan 18:00 gacha (O‘zbekiston Respublikasida belgilangan dam olish va bayram kunlaridan tashqari) beriladi.

10.7.  Sovrinlarni berish joyi va manzili: “International Beverages Tashkent” MChJ QK, O‘zbekiston Respublikasi, Toshkent sh., Sergeli tumani, Xonobodtepa k., 58-uy,

10.8.  Haftalik Sovrinlar, aksiyaning Bosh Sovrinini naqd pul yoki boshqa ekvivalentga almashtirishga yo‘l qo‘yilmaydi. Sovrinlar almashtirilmaydi yoki qaytarilmaydi.

10.9.  Amaldagi Qoidalar shartlariga rioya qilmagan Aksiya g'olibi Sovrinlarni olish huquqini boy beradi.  Bunday holda Aksiya tashkilotchisi bunday Sovrinni o‘z xohishiga ko‘ra tasarruf etadi.

10.10.  Aksiya g‘olibi ko‘rsatilgan holatlar ma’lum bo‘lgan vaqtdan qat’i nazar, quyidagi hollarda hech qanday kompensasiyasiz, shu jumladan, pul kompensasiyasisiz tegishli sovrinni olish huquqidan mahrum bo‘ladi:

10.10.1.  agar Aksiya Gʻolibi tegishli sovrin topshirilishidan oldin amaldagi Qoidalarni buzgan deb topilsa;

10.10.2.  agar Aksiya Gʻolibi og‘zaki yoki yozma ravishda elektron yoki boshqa aloqa vositalari orqali sovrinni olishdan bosh tortganligini bildirsa;

10.10.3.  Aksiya g‘olibini aniqlashning iloji bo‘lmaganda;

10.10.4.  bunday Gʻolib bilan bog‘lanish uchun 3 (uch) muvaffaqiyatsiz urinishdan so‘ng;

10.10.5.  agar Gʻolib o‘zining shaxsiy ma’lumotlarini Tashkilotchiga topshirishdan bosh tortsa;

10.10.6.  agar aksiya g‘olibi Aksiya mahsulotini xarid qilayotganda qo‘llangan/foydalanilgan Korzinka chakana savdo tarmog‘ining Korzinka ilovasida ro‘yxatdan o‘tgan jismoniy Sodiqlik kartasi yoki virtual sodiqlik kartasiga ega bo‘lmasa;

10.10.7.  agar Gʻolib amaldagi Qoidalarda ko‘rsatilgan barcha zarur ma’lumotlar va hujjatlarni belgilangan muddatda taqdim etishdan bosh tortsa.

10.11.  Sovringa egalik huquqi Gʻolibga bunday sovrin topshirilgan paytdan boshlab o‘tadi, Aksiya Gʻolibi o‘ziga berilgan Aksiya sovrinidan foydalanish bilan bog‘liq barcha choralarni mustaqil ravishda amalga oshiradi.

10.12.  Agar Tashkilotchiga bog‘liq bo‘lmagan sabablarga ko‘ra, Aksiya g‘olibi tomonidan Aksiya o‘yinlari tugaganidan keyin 7 (yetti) ish kuni ichida Sovrinni yuborish/olish imkoni bo‘lmasa, xususan:

- Gʻolib tomonidan elektron pochta manzilini o‘chirib tashlash yoki elektron pochta manziliga kirish huquqini yo‘qotish;

- g‘olib elektron pochta manzilini noto‘g‘ri kiritgan bo‘lsa;

- Ishtirokchi/Gʻolibning Korzinka chakana savdo tarmog‘ining Korzinka ilovasida ro‘yxatdan o‘tkazilgan jismoniy sodiqlik kartasi yoki Korzinka chakana savdo tarmog‘i virtual sodiqlik kartasiga biriktirilgan mobil telefon raqamiga bo‘lgan huquqini yo‘qotishi;

- kompyuter tizimlari, pochta serverlari, Internet-provayder tarmog‘idagi nosozliklar, noqulayliklar, xatoliklar;

- Internetdagi nosozliklar, xatoliklar va noqulayliklar;

- Internet, elektr energiyasi yo‘qligi/bloklanishi;

- aksiya g‘olibining pochta manzili ko‘rsatilgan pochta aloqasi xizmatlari va (yoki) saytlarning davlat organlari tomonidan bloklanishi, ularni ekstremistik va (yoki) terroristik deb topish; bu holda Aksiyaning bunday sovrini talab qilinmagan deb e’tirof etiladi va tegishli Gʻolib tomonidan qayta talab qilinmaydi va Aksiya Tashkilotchisi uni o‘z xohishiga ko‘ra tasarruf etadi.

10.13.  Tashkilotchi Internet provayderlari, aloqa operatorlari ishi, pochta, kuryerlik yoki boshqa xizmatlarning har qanday xatoliklari, buning natijasida pochta va elektron jo‘natmalar qabul qilinmagan yoki kechikib kelgan, yo‘qolgan yoki shikastlangani uchun javobgar emas.

10.14.  Aksiya Ishtirokchilari o‘z mobil telefon raqamlari butun Aksiya muddati davomida kiruvchi qo‘ng‘iroqlar va kiruvchi matnli xabarlar uchun mavjud bo‘lishini ta’minlashga javobgardir.

10.15.  Aksiya sovrinini olish huquqi Aksiya g‘olibi tomonidan uchinchi shaxsga o‘tishi mumkin emas.  Yutib olingan sovrinni aksiyaning boshqa sovrinlari bilan almashtirishga yo‘l qo‘yilmaydi.  Sovrinlar pul ekvivalentida berilmaydi.

10.16.  Aksiya sovrinlari miqdori cheklangan va amaldagi Qoidalarda ko‘rsatilgan miqdorni tashkil qiladi.  Tashkilotchining Ishtirokchilarga sovrinlarni berish majburiyatlari amaldagi Qoidalarning 7.2 va 7.3 bandlarida ko‘rsatilgan Sovrin jamg‘armasining umumiy miqdori bilan cheklanadi. Shu munosabat bilan, Aksiya Ishtirokchisi hech qanday kompensasiya, shu jumladan, pul talab qila olmaydi.

10.17.  Aksiya sovrinlarini olish munosabati bilan Gʻoliblarning jismoniy shaxslardan olinadigan daromad solig‘ini to‘lash majburiyati Tashkilotchi tomonidan soliq agenti sifatida o‘z mablag‘lari hisobidan va O‘zbekiston Respublikasi soliq qonunchiligiga muvofiq mustaqil ravishda amalga oshiriladi. Sovrinni olgan Gʻoliblarni soliqqa tortish O‘zbekiston Respublikasining amaldagi qonunchiligi talablariga muvofiq amalga oshiriladi.

10.18.  Aksiya yutug‘ini olish, unga egalik qilish va tasarruf etish bilan bog‘liq holda Gʻolibdan kelib chiqadigan boshqa to‘lovlarni, O‘zbekiston Respublikasi byudjetiga yig‘imlarni, komissiya va boshqa qo‘shimcha to‘lovlarni to‘lash Gʻolib tomonidan mustaqil ravishda amalga oshiriladi.

11. XARAJATLAR.  MAS’ULIYAT CHEKLOVI

11.1.  Tashkilotchi quyidagilar uchun javobgar emas:

11.1.1.  Ishtirokchilar tomonidan Aksiyada ishtirok etish va (yoki) sovrinlarni olish bilan bog‘liq majburiyatlarni bajarmaslik (o‘z vaqtida bajarmaslik);

11.1.2.  Ishtirokchilarning Aksiya Qoidalari bilan tanish emasligi, shuningdek, Aksiya natijalari bilan tanish emasligi;

11.1.3.  Ishtirokchilardan xatlar, qo‘ng‘iroqlar va/yoki elektron xabarlar, shu jumladan, Aksiya davomida foydalanilgan pochta aloqasi, aloqa tashkilotlarining aybi bilan texnik nosozliklar va/yoki Internet va/yoki aloqa kanallaridagi firibgarlik natijasida kelib tushmasligi ;

11.1.4.  Gʻoliblardan Sovrinlarni olish uchun zarur bo‘lgan hujjatlar va/yoki ma’lumotlarni olmaslik (o‘z vaqtida olmaslik);

11.1.5.  Ishtirokchilardan Aksiyani o‘tkazish va Sovrinlarni topshirish uchun zarur bo‘lgan aloqa uchun va/yoki boshqa ma’lumotlarni, shaxsiy ma’lumotlarni to‘liq olmaslik va/ yoki ma’lumotlarning noto‘g‘ri berilishi;

11.1.6.  Aksiya Tashkilotchisining aybisiz yuzaga kelgan har qanday texnik nosozliklar, noqulayliklar, uyali aloqa operatorlari, Internet-provayderlarning profilaktika xizmati va boshqalar uchun;

11.1.7.  Aksiyada ishtirok etish va (yoki) Sovrinni olish bilan bog‘liq Ishtirokchi tomonidan yetkazilgan har qanday xarajatlar va (yoki) zararlar uchun.

11.1.8.  kuch bilan bartaraf etib bo‘lmaydigan holatlar (fors-major holatlar), shu jumladan, COVID-19 bilan bog‘liq favqulodda holat va/yoki sanitariya-epidemiologik cheklovlar/ta’qiqlar joriy etilganda.

11.2.  Aksiyaning barcha Ishtirokchilari Aksiyada ishtirok etish bilan bog‘liq barcha va har qanday xarajatlar (jumladan, cheklanmagan holda, uyali aloqa operatorlari, Internet xizmatlaridan foydalanish, Aksiya haqida har qanday ma’lumotni olish, Aksiya mahsulotini xarid qilish (va hokazo) bilan bog‘liq xarajatlar)ni mustaqil ravishda to‘laydilar.

11.3.  Tashkilotchi Aksiya sovrinlariga bo‘lgan huquq bilan bog‘liq har qanday nizolar uchun javobgar emas. Har qanday holatda, nizolar bo‘yicha yakuniy qaror Tashkilotchi tomonidan qabul qilinadi va bunday qaror ustidan shikoyat qilinishi mumkin emas.

Tashkilotchi mobil telefon raqami, elektron pochta manzili, Aksiya mahsuloti, Ishtirokchining noyob kodi, jismoniy yoki virtual Korzinka sodiqlik kartasi, u yoki bu shaxsga tegishli cheklar bo‘yicha nizolar yuzaga kelganda nizoga kirishmaydi. Bunday nizolarning barchasi nizolashayotgan tomonlar o‘rtasida mustaqil ravishda va o‘z mablag‘lari hisobidan hal qilinadi.

11.4.  Tashkilotchi Internet provayderlari, aloqa operatorlari ishi, pochta, kuryerlik yoki boshqa xizmatlarning har qanday xatoliklari, buning natijasida pochta va elektron jo‘natmalar qabul qilinmagan yoki kechikib kelgan, yo‘qolgan yoki shikastlangani uchun javobgar emas.

11.5.  Tashkilotchi taqdim etilgan Sovrinni Aksiya Gʻolibi olganidan so‘ng undan kelgusida foydalanishi uchun hamda Aksiya Gʻolibi taqdim etilgan Sovrindan har qanday sababga ko‘ra foydalana olmasligi va/yoki qo‘llay olmasligi uchun javobgar emas. Sovrin sifati va uning kafolatli xizmati (agar u berilgan bo‘lsa) uchun javobgarlik mahsulotni ishlab chiqaruvchining zimmasidadir.

11.6.  Qabul qilingan Sovrindan faqat Ishtirokchi bo‘lgan shaxslar foydalanishi mumkin. Sovrin kelishuv predmeti yoki to‘lov vositasi bo‘ladigan har qanday harakatlar, operasiyalar, kelishuvlarga yo‘l qo‘yilmaydi.

11.7.  Tashkilotchi o‘z xohishiga ko‘ra, O‘zbekiston Respublikasining amaldagi qonunchiligi va amaldagi Qoidalar shartlarini hisobga olgan holda soxtalashtirish yoki soxtalashtirishdan foyda ko‘rgan har qanday shaxslarning,  Aksiyada ishtirok etish to‘g‘risidagi hujjatlar yoki amaldagi Qoidalarni buzuvchi harakatlar, ushbu Aksiya bilan bog‘liq har qanday boshqa shaxsni bezovta qilish, haqoratlash, tahdid qilish yoki xavotirga solish maqsadidagi xatti-harakatlar yoki nojoiz harakatlar qilish, shuningdek, O‘zbekiston Respublikasining amaldagi qonunchiligi talablarini buzgan shaxsning Aksiyada ishtirok etish uchun arizasi kuchini yo‘qotgan deb topishi, shuningdek, bunday shaxslarning ushbu Aksiyada kelgusida ishtirok etishini ta’qiqlashi mumkin.

11.8.  Tashkilotchi Aksiyada firibgarlikning oldini olish uchun istalgan vaqtda qo‘shimcha texnik cheklovlar kiritish huquqini o‘zida saqlab qoladi. Agar biror Ishtirokchi tomonidan nojoiz xatti-harakatlarga urinish aniqlansa, uning yutug‘i bekor qilinadi va Ishtirokchining o‘zi Aksiyada kelgusida ishtirok etishdan chetlashtiriladi.

11.9.  Tashkilotchi O‘zining texnik imkoniyatlaridan kelib chiqib, O‘zbekiston Respublikasining amaldagi qonunchiligi va amaldagi Qoidalar talablarini hisobga olgan holda Aksiyada ishtirok etishning halolligini mustaqil ravishda baholaydi.

11.10.  Tashkilotchi fors-major holatlar, masalan, tabiiy ofatlar, yong‘inlar, suv toshqini, har qanday xarakterdagi harbiy harakatlar, blokadalar, pandemiya bilan bog‘liq karantin choralari, Aksiya hududida amaldagi qonunchilikdagi jiddiy o‘zgarishlar va Tashkilotchi nazoratiga bog‘liq bo‘lmagan, O‘zbekiston Respublikasining amaldagi qonunchiligida belgilangan tartibda ko‘zda tutilgan boshqa holatlar uchun javobgar emas.

11.11 Aksiya tashkilotchisiga bog‘liq bo‘lmagan holatlar va qarzdorlik, deportasiya, viza olish, viza rejimini buzish, Ishtirokchining ushbu davlat hududida bo‘lish uchun zarur bo‘lgan hujjatlari yo‘qligi bilan bog‘liq O‘zbekiston Respublikasidan chiqib ketishga cheklovlar va boshqa migrasiya holatlari.

 

12. SHAXSIY MA’LUMOTLAR

12.1.  Aksiyada ishtirok etish orqali Ishtirokchi aniq va dolzarb (ishonchli) ma’lumotlarni ko‘rsatishi zarur, shuningdek, o‘z xohishi va o‘z manfaatlariga ko‘ra, Tashkilotchi hamda uning vakolatli shaxsiga  O‘zbekiston Respublikasi qonun hujjatlarida, xususan,  2019 yil, 21 iyundagi “Shaxsiy ma’lumotlar to‘g‘risida”gi  547-son O‘RQ va amaldagi Qoidalarda nazarda tutilgan shaxsiy ma’lumotlari va boshqa ma’lumotlarni qayta ishlash, uzatish, shu jumladan, transchegaraviy, foydalanish, saqlash uchun taqdim etadi.

12.2.  Aksiyada qatnashish va Aksiya doirasida Sovrinni olish uchun Ishtirokchi O‘zbekiston Respublikasining amaldagi qonunchiligida belgilangan tartibda Tashkilotchiga amaldagi Oferta (Qoidalar)da belgilangan ma’lumotlar (shu jumladan, o‘zining shaxsiy ma’lumotlari)ni taqdim etishi shart.

12.3.  Aksiyada ishtirok etish orqali har bir Ishtirokchi Tashkilotchi tomonidan Ishtirokchi taqdim etgan ma’lumotlarni O‘zbekiston Respublikasining amaldagi qonunchiligiga zid bo‘lmagan marketing va/yoki reklama faoliyati bilan bog‘liq shaxsiy ma’lumotlardan, xususan, o‘z ismi-sharifi, familiyasi, fotosurati, intervyu yoki u haqidagi boshqa materiallardan reklama/marketing maqsadlarida bepul foydalanilishiga rozi ekanini tasdiqlaydi, shu jumladan, Sovrin olgan taqdirda ommaviy axborot vositalarida (ismi va fotosurati), har qanday bosma, audio va video materiallarni, ommaviy axborot vositalarida intervyularni e’lon qilish, shuningdek, OAVga ma’lumotlar, xabarlar (shu jumladan, reklama xarakteridagi) va hokazolarni yuborishga to‘sqinlik qilmaydi. Va ma’lumotlardan foydalanish hududi, vaqti hamda usuli borasida hech qanday cheklovlar bo‘lmaydi va bunday foydalanish Tashkilotchi tomonidan hech bir tarzda qoplanmaydi.

12.4.  Aksiyada ishtirok etish orqali Aksiya g‘olibi Tashkilotchiga va u tomonidan vakolat berilgan shaxsga o‘zining shaxsiy ma’lumotlari, jumladan, fotosuratlar, intervyular, telefon raqamlari, e-mail va (yoki) boshqa materiallardan foydalanish huquqini beradi. Tashkilotchining reklama va (yoki) marketing maqsadlari, lekin ular bilan cheklanmagan holda, xususan: Tashkilotchiga va u tomonidan vakolat berilgan shaxsga Ishtirokchining ma’lumotlari va materiallarini ommaviy axborot vositalarida, istalgan bosma ommaviy axborot vositalarida, Internetda e’lon qilish huquqi beriladi. Bu borada hudud, vaqt va foydalanish usuli bo‘yicha hech qanday cheklovlar bo‘lmaydi;  va bunday foydalanish Aksiya Tashkilotchisi tomonidan Ishtirokchiga hech qanday tarzda qoplanmaydi (to‘lanmaydi).

12.5.  Aksiyada ishtirok etish orqali har bir Ishtirokchi amal qilish muddatini cheklamagan holda Tashkilotchi va u tomonidan vakolat berilgan shaxsdan o‘zining mobil telefon raqami va e-mail manziliga SMS xabarlar, yangiliklar va boshqa axborot/reklama xabarlari (pochta jo‘natmalari)ni olishga rozi bo‘ladi.

13. BOSHQA SHARTLAR

13.1.  LeBazar.uz internet-do‘koni orqali xarid qilingan Aksiya mahsuloti qayd etilmaydi va Tashkilotchi tomonidan Aksiyada ishtirok etish uchun ariza sifatida qabul qilinmaydi.

13.2.  Aksiyada ishtirok etish orqali Ishtirokchi Aksiyada qatnashish uchun barcha Qoidalar va shartlar bilan tanishganligini hamda to‘liq va shartsiz/so‘zsiz rozi ekanligini tasdiqlaydi.

13.3.  Aksiya qoidalari Aksiyaning butun muddati davomida Tashkilotchi tomonidan o‘zgartirilishi va/yoki to‘ldirilishi mumkin. Aksiya Tashkilotchisi istalgan vaqtda Aksiya shartlari, Qoidalar va Aksiyani o‘tkazish muddatlariga bir tomonlama o‘zgartirish kiritish huquqini o‘zida saqlab qoladi, shuningdek, Tashkilotchi Aksiyani muddatidan avval tugatishga haqli. Aksiyani o‘tkazish qoidalariga o‘zgartirish va/yoki qo‘shimchalar kiritilishi, agar ular Tashkilotchi tomonidan ma’qullangan va Tashkilotchining veb-saytida e’lon qilingan bo‘lsa, mumkin.

13.4.  Aksiya Tashkilotchisi o‘z xohishiga ko‘ra, Ishtirokchilarga sabablarini tushuntirmasdan va ular bilan yozishmalarga kirishmasdan, Aksiya Ishtirokchilarining har qanday harakatlarini haqiqiy emas deb topishga, shuningdek, Aksiyadagi keyingi ishtirokni ta’qiqlashga haqli. Tashkilotchi Ishtirokchining ma’lumotlarni o‘zgartirayotgani yoki ma’lumotlarning har qanday o‘zgarishidan foyda ko‘rayotgani haqida asosli shubhalarga borgan taqdirda, bunday harakatlarni amalga oshirgan har qanday shaxsga Sovrinni berishdan bosh tortish huquqiga ega.

13.5.  Amaldagi Qoidalarni noaniq talqin qilishga imkon beradigan vaziyat, har qanday bahsli masalalar va/yoki ushbu Qoidalar bilan tartibga solinmagan masalalar yuzaga kelgan taqdirda Tashkilotchi O‘zbekiston Respublikasining amaldagi qonunchiligi talablariga muvofiq yakuniy qaror qabul qiladi.

13.6.  Amaldagi Qoidalarda nazarda tutilmagan barcha holatlarda Aksiya Tashkilotchisi va Ishtirokchilari/Gʻoliblari O‘zbekiston Respublikasining amaldagi qonunchiligiga amal qiladi.

13.7.  Tomonlarning javobgarlik choralari, shuningdek, nizolarni hal qilish tartibi O‘zbekiston Respublikasining amaldagi qonunchiligi talablariga muvofiq belgilanadi.

13.8.  Ushbu Ommaviy ofertaning amal qilish muddati — Aksiyani o‘tkazish muddati tugaguniga qadar.