OMMAVIY OFERTA

"Korzinka chakana savdo tarmog‘ida Barni bilan maktabga"

REKLAMA AKSIYASINI O‘TKAZISH QOIDALARI

(KEYINCHALIK — «QOIDALAR»)

1. "Korzinka chakana savdo tarmog‘ida Barni bilan maktabga" REKLAMA AKSIYASI (keyinchalik – "Aksiya") Barni® savdo belgisi ostidagi mahsulotlarga qiziqishni shakllantirish va qo‘llab-quvvatlash, ijobiy imidj va iste’molchilar talabini shakllantirish, shuningdek, ushbu mahsulotlarni sotishni ko‘paytirish maqsadida oldindan ma’lum bo‘lmagan shaxslar o‘rtasida o‘tkaziladi. Aksiya lotereya, qimor hisoblanmaydi hamda Ishtirokchilardan qatnashish uchun badal to‘lash talab qilinmaydi.

2. AKSIYA BUYURTMACHISI, TASHKILOTCHISI, TEXNIK HAMKORI TO‘G‘RISIDA MA’LUMOTLAR

2.1. Aksiya Buyurtmachisi: «Mondelez Rus» MCHJ Rossiya (keyinchalik – «Buyurtmachi»), quyidagi manzilda joylashgan: Rossiya, 601123, Pokrov sh., Vladimir viloyati, Petushinskiy tumani, Frans Shtolverk ko‘chasi, 10-uy. STIR: 3321020710.

2.2. Aksiya Tashkilotchisi: Aksiya Ijrochisi Buyurtmachining topshirig‘iga asosan harakat qiluvchi «Urban Media» MChJ (Урбан Медиа) yuridik shaxs boʻlib (keyinchalik – Tashkilotchi), Qozogʻiston Respublikasi qonunchiligiga muvofiq tashkil etilgan, BIR 050840004119, QR, 050004, Olmaota, Jibek Joli keng ko‘chasi, 135-uy, «Jibek Joli» ATK, 2-blok, 10-qavat, 2104-son ofisda joylashgan.

2.3. Aksiya Operatori: «Urban Media Alliance» (keyinchalik – «Operator»), quyidagi manzilda joylashgan: O‘zbekiston Respublikasi, 10000, Toshkent shahri, Bobur ko‘chasi, 77 uy, «Bobur77» BM, 1-qavat 116-xona, STIR 306708505.

2.4. Aksiyaning Texnik hamkori (keyinchalik matnda- «Texnik hamkor»): «ANGLESEY FOOD» XK MChJ, yuridik shaxs bo‘lib, O‘zbekiston Respublikasi qonunchiligiga muvofiq tashkil etilgan, STIR 202 099 756, quyidagi manzilda joylashgan: O‘zbekiston Respublikasi, Toshkent shahri, Turob To‘la ko‘chasi, 57 uy. Besh Yog‘och bozori atrofida.

3. AKSIYA O‘TKAZILISHI MUDDATI

3.1. Aksiya o‘tkazilishi muddati: 2022-yil 15-avgustdan 2022-yil 15-sentabrgacha (ushbu vaqtda ham) (keying o‘rinlarda «Aksiya Muddati» yoki «Aksiya Davri», deb ham yuritiladi).

3.2. Aksiya mahsulotlarini sotib olish muddatlari: 2022-yil 15-avgustdan 2022-yil 15-sentabrgacha (ushbu vaqtda ham).

3.4. Aksiya G‘oliblarini aniqlash muddati: 2022-yil 22-avgustdan 16-sentabrgacha (ushbu vaqtda ham) Aksiya qoidalarining 9.2-bandida ko‘rsatilgan sovrin o‘yinlarini o‘tkazish Taqvimiga muvofiq.

3.5. Aksiya G‘oliblariga sovrinlarni topshirish muddati: 2022-yil 31-oktabrgacha (ushbu vaqtda ham).

3.6. Ushbu Qoidalarda ko‘rsatilgan barcha muddatlar O‘zbekiston Respublikasi Toshkent shahri vaqti bo‘yicha hisoblanadi.

4. HUDUD, PROMO-SAYT VA XABARDOR QILISH TARTIBI

4.1. Aksiya O‘zbekiston Respublikasi (keyinchalik – O‘zR) bo‘yicha O‘zbekiston Respublikasi hududida joylashgan «Korzinka» va «Smart» supermarketlar tarmog‘ida o‘tkaziladi, franshiza asosida faoliyat yurituvchi va quyidagi manzillarda joylashgan «Korzinka DISKONT» supermarketlari bundan mustasno: Qoraqalpog‘iston Respublikasi, Nukus shahri, Yernazar Alako‘z ko‘chasi, 162-uy va Qashqadaryo viloyati, Shahrisabz shahri, Maftunkor ko‘chasi, 35-uy.

4.2. Ishtirokchilarni Aksiyada ishtirok etish tartibi, Aksiya shartlari (shu jumladan, ularga o‘zgartirishlar va qo‘shimchalar), Aksiya qoidalari to‘g‘risida xabardor qilish quyidagicha amalga oshiriladi:

1) Aksiyaning Texnik hamkori rasmiy veb-sahifasida https://korzinka.uz/ (yuqorida, bu yerda va keyinchalik – «Sayt»)

2) Operator, Tashkilotchi va (yoki) Buyurtmachining tanloviga ko‘ra boshqa usullar bilan.

3) Aksiya bo‘yicha savollar uchun elektron pochta manzili: mdlz.consumer@mdlz.com.

4.3. Tashkilotchi va (yoki) Buyurtmachi istalgan vaqtda Aksiya shartlarini oʻzgartirishga, uni muddatidan oldin tugatishga, Aksiya haqida qoʻshimcha maʼlumotlarni eʼlon qilishga haqli. Aksiya va uning shartlari bo‘yicha yangilangan (qo‘shimcha) ma’lumotlar Buyurtmachi tomonidan bunday o‘zgartirish (yangilash) ma’qullangan kundan boshlab 3 (uch) ish kuni ichida Saytda joylashtiriladi.

4.4. Buyurtmachi, Tashkilotchi, Operator va Texnik hamkor Aksiya Ishtirokchilari bilan yozma muzokaralar yoki boshqa aloqalarga kirishmaslik huquqini o‘zida saqlab qoladi, bundan ushbu Qoidalarda, O‘zbekiston Respublikasining amaldagi qonunchiligida nazarda tutilgan hollar va yuzaga keladigan nizoli vaziyatlar mustasno.

4.5. Tashkilotchi va Buyurtmachi Aksiyani o‘tkazish bo‘yicha to‘liq javobgardirlar.

4.6. «ANGLESEY FOOD» XK MChJ hamda «Korzinka» va «Smart» savdo tarmog‘i do‘konlari Aksiya bo‘yicha murojaat va da’volarni qabul qilmaydi.

5. AKSIYA MAHSULOTI

5.1. Aksiya Barni® savdo belgisi ostidagi quyidagi mahsulotlarga (keyinchalik - «Aksiya mahsuloti») nisbatan o‘tkaziladi:

5.2. Aksiya mahsulotlari Ishtirokchi tomonidan Aksiya qoidalarining 3.2-bandida ko‘rsatilgan muddatda «Korzinka» va «Smart» chakana savdo tarmoqlarida, Aksiya qoidalarining 9.2-bandida ko‘rsatilgan Sovrin o‘yinlarini o‘tkazish Taqvimiga muvofiq sotib olinishi kerak («Aksiya mahsulotini sotib olish Muddati» bo‘limi)

6. AKSIYA ISHTIROKCHILARI

6.1. Aksiyada 16 va undan yuqori yoshdagi muomala layoqatiga ega jismoniy shaxslar ishtirok etishlari mumkin:

Karta dasturida ro‘yxatdan o‘tgan va joriy/faol Korzinka kartasiga ega, O‘zbekiston Respublikasi hududida yashovchi O‘zR fuqarolari va yashash guvohnomasiga ega chet el fuqarolari (yuqorida, bu yerda va keyinchalik birgalikda «Ishtirokchilar», alohida esa «Ishtirokchi», deb yuritiladi).

6.2. 16 yoshdan 18 yoshgacha bo‘lgan shaxslarning Aksiyada ishtirok etishiga faqat ota-onalarning, vasiylarning, Qoidalarning ushbu bandida ko‘rsatilgan boshqa shaxslarning roziligi bilan, ular to‘liq muomala layoqatiga ega bo‘lgan taqdirda yo‘l qo‘yiladi.

6.3. Quyidagilar Aksiyada ishtirok etishi mumkin emas:

• Buyurtmachi va (yoki) Tashkilotchi, Texnik hamkorning ishchilari;

• Aksiya Tashkilotchisi, Texnik hamkori va (yoki) Buyurtmachisi, Operatori bilan affillangan deb tan olingan shaxslar;

• Tashkilotchi va (yoki) Buyurtmachi bilan fuqarolik va boshqa munosabatlarni o‘rnatgan hamda Aksiyani tashkil etish va (yoki) o‘tkazish, Buyurtmachi mahsulotini sotish bilan bog‘liq uchinchi shaxslarning xodimlari va vakillari;

• yuqoridagi shaxslarning yaqin qarindoshlari;

• fuqaroligi bo‘lmagan shaxslar va O‘zbekiston Respublikasida yashash guvohnomasiga ega bo‘lmagan chet el fuqarolari.

6.4. Agar ushbu Qoidalarning 6.1., 6.2., 6.3-bandlari va boshqa boʻlimlari shartlariga javob bermaydigan fuqarolarning Aksiyada ishtirok etish fakti aniqlansa, Tashkilotchi bunday shaxslarni Aksiyada ishtirok etishini va (yoki) sovrin olishini rad etishga haqli.

7. AKSIYANING SOVRIN JAMG‘ARMASI

7.1. Aksiyaning Sovrin jamg‘armasi Buyurtmachining mablag‘lari hisobidan shakllantiriladi va haftalik sovrinlarni o‘z ichiga oladi (yuqorida, bu yerda va keyinchalik - «Aksiya sovrinlari»).

Aksiya Sovrini: Samsung Galaxy Tab A7 Lite Silver plansheti.

Aksiyaning umumiy sovrinlari soni cheklangan va Aksiyaning butun davri uchun 50 (ellik) donani tashkil qiladi.

7.2. Haftalik sovrinlari:Samsung Galaxy Tab A7 Lite Silver plansheti - har hafta 10 (o‘n) dona.

7.3. Buyurtmachi Aksiyaning Sovrin jamg‘armasini o‘zgartirish, shu jumladan sovrinlar soni, komplektatsiyasi, turi va boshqa xususiyatlarini o‘zgartirish huquqini o‘zida saqlab qoladi. Bunday holda, sovrinlar almashtirilganlari bilan mutanosib narxda bo‘lishi kerak.

7.4. Aksiya sovrinlarining tashqi ko‘rinishi, ularning o‘lchami, naqshi, o‘rami rangi va boshqa xususiyatlari reklama materiallarida taqdim etilgan rasmlarga hamda Ishtirokchilarning shaxsiy kutilmalariga to‘g‘ri kelmasligi mumkin. Aksiya sovrinlari sifati uchun javobgarlik ushbu tovarlarni ishlab chiqaruvchisi zimmasiga yuklanadi.

8. AKSIYADA ISHTIROK ETISH SHARTLARI VA TARTIBI

Aksiyada ishtirok etish uchun Ishtirokchi ushbu Qoidalarning 3-bo‘limida ko‘rsatilgan Aksiya o‘tkazilish muddati ichida bilvosita quyidagi harakatlar ketma-ketligini bajarishi kerak:

8.1. Ushbu qoidalarning 5.1-bandida ko‘rsatilgan xohlagan Aksiya mahsulotlaridan ushbu Qoidalarning 3.2-bandida keltirilgan muddat davomida, 4.1-bandda qayd etilgan istalgan «Korzinka» va «Smart» chakana savdo do‘konlarida Korzinka kartasini qo‘llagan holda (keyinchalik - «Korzinka kartasi» va/yoki «Korzinka» chakana savdo tarmog‘i kartasi»), 1 (bir) fiskal chekda kamida 2 (ikki) o‘ram xarid qilish;

8.1.1. Ishtirokchi tomonidan sotib olinadigan Aksiya mahsulotlari soni cheklanmagan;

8.1.2. Chekdagi Aksiya mahsulotlari Aksiya qoidalarining 5.1-bandiga muvofiq nom bilan ko‘rsatilishi kerak;

8.2. «Korzinka» va «Smart» chakana savdo tarmog‘i do‘konining kassiridan nazorat-kassa chekini olish (yuqorida, bu yerda va keyinchalik - «Fiskal chek» yoki «Chek»);

8.2.1. Aksiyada ishtirok etish uchun faqat ushbu Qoidalarning 3.2-bandiga muvofiq o‘z vaqtida sotib olingan Aksiya mahsulotlari cheklari qabul qilinadi.

8.2.2. «Korzinka» va «Smart» tarmog‘i do‘konlaridan bo‘lmagan cheklar Aksiyada ishtirok etish uchun qabul qilinmaydi.

8.3. Aksiyada ishtirok etish uchun nazorat-kassa mashinalari cheklarining shakli va mazmuni bo‘yicha O‘zbekiston Respublikasi qonunchiligining talablariga javob bermaydigan, Aksiya mahsulotlari belgisi mavjud bo‘lmagan fiskal cheklar qabul qilinmaydi.

8.4. Ushbu Qoidalarning 9.2-bandida ko‘rsatilgan tegishli muddatda («Aksiya mahsulotlarini xarid qilish muddati» bo‘limi) xarid qilingan, unda kamida 2 (ikki) dona Aksiya mahsuloti ko‘rsatilgan 1 (bitta) fiskal chek Qoidalarning 9.2-bandida qayd etilgan tegishli sovrin o‘yinlarida ishtirok etish («G‘oliblarni aniqlash sanasi» va «Sovrinlarning miqdori va turi» bo‘limlari) uchun topshirilgan 1 (bir) dona Ariza (keyinchalik - «Ariza») hisoblanadi.

2 (ikki) yoki undan ko‘p Aksiya mahsuloti ko‘rsatilgan 1 (bir) fiskal chek = Aksiyaning sovrin o‘yinlarida ishtirok etish uchun 1 (bir) Ariza.

8.5. Agar 1 (bir) fiskal chekda 2 (ikki) birlikdan ortiq Aksiya mahsuloti ko‘rsatilgan bo‘lsa, ushbu fiskal chek Aksiyaning sovrin o‘yinlarida ishtirok etish uchun 1 (bitta) Ariza sifatida ko‘rib chiqiladi;

8.6. Ishtirokchi (sotib olingan Aksiya mahsulotlari) Qoidalarning 9.2-bandida ko‘rsatilgan tegishli muddatlarda («Aksiya mahsulotlarini xarid qilish muddati» bo‘limi) o‘yinda qatnashish uchun qancha ko‘p ariza topshirsa, uning Aksiya G‘olibi (Aksiya Sovrini/Sovrinlari egasi) bo‘lish imkoniyati shunchalik yuqori bo‘ladi.

8.7. Agar Ishtirokchi Aksiyaning G‘olibi (har qanday Aksiya Sovrini/ Sovrinlarining egasi) bo‘lsa, Sovrin yutib olingan ariza avtomatik ravishda bekor qilinadi, keyinchalik, Aksiya qoidalari shartlariga muvofiq, Aksiyada qatnashish uchun Ishtirokchi mahsulotlarni qayta sotib olishi shart.

9. AKSIYA G‘OLIBLARINI ANIQLASH

9.1. Tashkilotchi tomonidan butun Aksiya Davrida o‘tkaziladi:

- 5 (besh) haftalik sovrinlar o‘yini (keyinchalik - «Haftalik o‘yin»), ushbu Qoidalarning 9.2-bandida belgilangan Aksiya sovrin o‘yinlari Taqvimiga (keyinchalik - «Sovrin o‘yinlari Taqvimi») muvofiq.

9.2. Haftalik sovrinlar G‘oliblari quyida keltirilgan «Sovrin o‘yinlari Taqvimi»da ko‘rsatilgan tegishli davrlar (keyinchalik- «Aksiya mahsulotlarini xarid qilish muddati») davomida Qoidalarning 8-bo‘limida ko‘rsatilgan shartlarni bajargan Ishtirokchilar o‘rtasida kompyuter dasturi yordamida tasodifiy tarzda aniqlanadi:

* Aksiya Sovrin o‘yinlarini o‘tkazish Taqvimi O‘zbekiston Respublikasi qonunchiligida belgilangan dam olish va bayram kunlarini hisobga olgan holda, shuningdek Tashkilotchi, Buyurtmachiga bog‘liq bo‘lmagan holatlar yuzaga kelgan taqdirda Tashkilotchi tomonidan o‘zgartirilishi mumkin.

9.3. Har qanday oʻyin, oʻtkaziladigan sanaga koʻra, Aksiyaning roʻyxatdan oʻtgan Ishtirokchilari soni oʻynaladigan Sovrinlar sonidan kamida 4 (toʻrt) baravar koʻp boʻlgan taqdirdagina oʻtkaziladi.

9.4. Agar sovrinlar Gʻolibini aniqlash muddati tugagan boʻlsa va Haftalik oʻyin oʻtkaziladigan sanaga koʻra Roʻyxatdan oʻtgan Ishtirokchilar soni ushbu Aksiya qoidalarining 9.3-bandiga mos kelmasa, potentsial Sovrin G‘oliblarini aniqlash keyingi Sovrin G‘oliblarini aniqlash davriga o‘tkaziladi va keyingi Sovrin G‘oliblarini aniqlash davrida taqsimlanadigan Sovrinlarning umumiy soniga oldingi davrda taqsimlanmagan Sovrinlar soni qo‘shiladi.

9.5. O‘yin o‘tkaziladigan sanada va G‘oliblarni aniqlashda Tashkilotchi Asosiy G‘oliblarni (keyinchalik - «Asosiy G‘olib» va/yoki «G‘olib») va Zaxira (Muqobil) G‘oliblarni (keyinchalik - «Muqobil G‘olib») aniqlaydi. Har bir Oʻyinda Asosiy Gʻoliblar soni Sovrinlar Oʻyinida beriladigan sovrinlar soniga teng boʻlishi kerak;

Har bir o‘yinda Muqobil G‘oliblar soni quyidagilarni tashkil etadi:

- Haftalik o‘yin – 5 (besh) ishtirokchi.

Tashkilotchi Asosiy G‘olib tomonidan Aksiya shartlari buzilganda yoki G‘olib Aksiya shartlariga boshqa tarzda mos kelmagan taqdirda, Asosiy G‘olibni almashtirish uchun Muqobil G‘oliblarni aniqlaydi.

Aksiya Tashkilotchisi Zaxira (Muqobil) G‘oliblar ro‘yxatiga kiritilgan Ishtirokchilarning ismlarini oshkor qilishga majbur emas.

9.6. Sovrin G‘oliblari aniqlangan kundan boshlab 2 (ikki) ish kuni ichida Texnik hamkor G‘olibning «Korzinka» kartasida qayd etilgan telefon raqamiga qo‘ng‘iroq qilib, Sovrin/Sovrinlarni yetkazib berishda ularni qaytadan ishlash maqsadida G‘olibning shaxsga doir ma’lumotlarini Aksiya Tashkilotchisiga taqdim etish uchun roziligini olish uchun G‘oliblar bilan bog‘lanadi. Agar Aksiya G‘olibining telefoni xizmat doirasidan tashqarida bo‘lsa, Aksiya G‘olibi 48 soat ichida qo‘ng‘iroqqa javob bermasa yoki Aksiyaning Texnik hamkoriga bog‘liq bo‘lmagan boshqa texnik sabablarga ko‘ra, shuningdek, agar G‘olib o‘zining shaxsiy ma’lumotlarini Aksiya Tashkilotchisiga taqdim etishga rozi bo‘lmasa, G‘olib Aksiya Tashkilotchisi qaroriga e’tiroz bildirish imkoniyatisiz g‘alaba qozonish imkoniyatidan mahrum bo‘ladi va Sovrin Muqobil nomzodga qayta tayinlanadi. Muqobil Ishtirokchi bilan aloqa bo‘lmasa, Sovrin keyingi Muqobil Ishtirokchiga o‘tkaziladi.

9.7. G‘oliblardan o‘z shaxsga doir ma’lumotlarini Aksiya Tashkilotchisiga taqdim etishda roziligini olgandan so‘ng, Texnik hamkor G‘oliblarning shaxsga doir ma’lumotlarini Tashkilotchiga yetkazadi, so‘ngra Tashkilotchi operatori sovrinni taqdim etish uchun zarur bo‘lgan ma’lumotlarni bilish uchun 3 (uch) ish kuni ichida G‘oliblar bilan bog‘lanadi. Agar Aksiya Gʻolibining telefoni xizmat doirasidan tashqarida boʻlsa, Aksiya Gʻolibi 72 soat ichida qoʻngʻiroqqa javob bermasa yoki Aksiya Tashkilotchisiga bogʻliq boʻlmagan boshqa texnik sabablar yuzaga kelsa, Gʻolib Aksiya Tashkilotchisining qaroriga eʼtiroz bildirish imkoniyatisiz gʻalaba qozonish imkoniyatidan mahrum bo‘ladi va Sovrin muqobil arizachiga qayta tayinlanadi. Muqobil Ishtirokchi bilan aloqa bog‘lashning iloji bo‘lmasa, Sovrin keyingi Muqobil Ishtirokchiga o‘tkaziladi.

9.8. "Korzinka" chakana savdo tarmog‘ining kartasini ro‘yxatdan o‘tkazishda Ishtirokchi tomonidan qayd etilgan telefon raqami ushbu Qoidalarning 3-bo‘limida ko‘rsatilgan Aksiyaning butun muddati davomida saqlanishi kerak. Mobil telefon raqami uchinchi shaxslarga o‘tkazilganda, ro‘yxatdan o‘tgan mobil telefon raqami o‘zgartirilganda, G‘olib (va/yoki Muqobil nomzod) Aksiya Sovrinini olish huquqini yo‘qotadi. Boshqa telefon raqami bilan qayta ro‘yxatdan o‘tishga yo‘l qo‘yilmaydi.

9.9. 1 (bir) ishtirokchi ushbu Qoidalarning 8.7., 9.2-bandida ko‘rsatilgan shartlar va talablarni hisobga olgan holda haftalik o‘yinlarda qayta-qayta ishtirok etishi mumkin, ammo 1 (bir) Ishtirokchi 1 (bir) Haftalik o‘yin davomida 1 (bitta) dan ortiq bo‘lmagan Sovrinni va butun Aksiya davrida ko‘pi bilan 2 (ikkita) Haftalik o‘yin Sovrinini qo‘lga kiritishi mumkin.

10. SOVRINLARNI OLISH SHARTLARI/TARTIBI

10.1. Haftalik Sovrinni olish uchun G‘olib Texnik hamkorga Aksiya qoidalarining 9.6-bandi shartlariga muvofiq shaxsga doir ma’lumotlarni Aksiya tashkilotchisiga taqdim etilishiga roziligini bildirishi kerak

10.2. Haftalik Sovrinni olish uchun G‘olib Tashkilotchidan bildirishnoma olgan kundan boshlab 5 (besh) kalendar kundan kechiktirmay (ushbu Qoidalarning 9.7-bandi) Tashkilotchining elektron pochta manziliga operator@urbanmedia.kz (Tashkilotchiga jo‘natishi) quyidagi hujjatlarni va (yoki) o‘zi haqidagi ma’lumotlarni taqdim etishi kerak:

10.2.1. G‘olibning familyasi, ismi, otasining ismi (agar mavjud bo‘lsa);

10.2.2. G‘olibning Joriy yashash manzili haqidagi aniq va to‘liq ma’lumot;

10.2.3. Amaldagi pasportining 2 (ikki) tomonlama nusxasi. G‘olibning pasportida individual identifikatsiya raqami (IIR) bo‘lishi kerak.

10.2.4. Xorijiy fuqaroda IIR bo‘lmasa, O‘zbekiston Respublikasida yashash guvohnomasini tasdiqlovchi hujjatda IIR ma’lumotlari qo‘shimcha ravishda ko‘rsatiladi;

10.2.5. Aksiya mahsulotining sotib olinganligini tasdiqlovchi fiskal cheklarning fotosuratlari/skanerlangan nusxalarini, keyinchalik fiskal cheklarning asl nusxasini G‘olib tomonidan Sovrin olinayotganda kuryerga topshirish yo‘li bilan taqdim etish

10.2.6. Korzinka kartasida ko‘rsatilgan raqamning aniq tasviri aks etgan «Korzinka» chakana savdo tarmog‘ining kartasining fotosuratlari/skanerlangan nusxalarini taqdim etish.

10.2.7. G‘olib tomonidan imzolangan Sovrinni topshirish dalolatnomasi fotosurati/skanerlangan nusxasi, Sovrinni topshirish dalolatnomasining imzolangan asl nusxasini sovrin yutib olgandan keyin kuryerga topshirish yo‘li bilan taqdim etish;

10.2.8. G‘olib tomonidan imzolangan shaxsga doir ma’lumotlarni Tashkilotchiga topshirishga Rozilikning fotosurati/skanerlangan nusxasini, keyinchalik Rozilikning imzolangan asl nusxasini G‘olib tomonidan Sovrin olinayotganda kuryerga topshirish yo‘li bilan taqdim etish.

Aksiya G‘olibi tomonidan taqdim etilgan fiskal chekning asl nusxasi Tashkilotchining vakili tomonidan olib qo‘yiladi va Ishtirokchiga qaytarib berilmaydi.

10.3. Aksiyaning Haftalik sovrinlarini naqd pul yoki boshqa muqobil ekvivalentiga almashtirishga yo‘l qo‘yilmaydi. Sovrinlar qaytarib olinmaydi.

10.4. Ushbu Qoidalarning shartlariga rioya qilmagan Aksiya G‘olibi Sovrinlarni olish huquqidan mahrum bo‘ladi. Bunday holda, Aksiya Buyurtmachisi bunday Sovrinni o‘z xohishiga ko‘ra tasarruf etadi.

10.5. Agar ma’lumotni aniqlashtirish/hujjatlarni olish zarur bo’lsa, G‘olibdan zarur ma’lumotlar (hujjatlar) olingan kundan boshlab hamda Aksiya G‘olibi ushbu Qoidalarning barcha shartlarini bajargan bo‘lsa, Aksiyaning Haftalik Sovrinlari G‘olibga ushbu Qoidalarning 10.2.2-bandiga muvofiq u tomonidan ko‘rsatilgan joriy yashash manzili bo‘yicha kuryerlik xizmati (Tashkilotchining tanloviga ko‘ra) orqali Tashkilotchi hisobidan Aksiyaning bunday Ishtirokchisi G‘olib deb e’tirof etilgan kundan boshlab 21 (yigirma bir) kun ichida yuboriladi.

10.6. Aksiya Ishtirokchisi quyidagi hollarda, ushbu holatlar qachon ma’lum bo‘lganligidan qat’i nazar, hech qanday badalsiz, shu jumladan pul ko‘rinishidagi badalsiz tegishli sovrinni olish huquqidan mahrum bo‘ladi:

10.6.1. agar Aksiya Ishtirokchisi unga tegishli sovrin topshirilgunga qadar ushbu Qoidalarni buzgan deb topilsa;

10.6.2. agar Aksiya Ishtirokchisi og‘zaki yoki yozma ravishda elektron aloqa vositasi orqali sovrinni olishdan bosh tortganligini bildirsa;

10.6.3. Aksiya Ishtirokchisini aniqlashning iloji bo‘lmaganda;

10.6.4. bunday G‘olib bilan bog‘lanishdagi 3 (uch) marta muvaffaqiyatsiz urinishdan keyin;

10.6.5. agar G‘olib o‘zining shaxsga doir ma’lumotlarini Tashkilotchiga taqdim etishdan bosh tortsa;

10.6.6. G‘olib belgilangan muddatda ushbu Qoidalarning 10.2-bandda ko‘rsatilgan barcha zarur ma’lumotlarni taqdim etishdan bosh tortgan taqdirda.

10.7. Buyurtmachi/Tashkilotchining sovrinlarni topshirish majburiyatlari tegishli sovrinlar jo‘natish uchun taqdim etilgan paytdan boshlab bajarilgan hisoblanadi. Buyurtmachi/Tashkilotchi kuryerlik xizmatining kutilmagan holatlardagi harakatlari/harakatsizligi uchun javobgar emas.

10.8. Sovringa egalik huquqi G‘olibga bunday sovrin topshirilgan paytdan boshlab o‘tadi, Aksiya G‘olibi o‘ziga tegishli Aksiya yutug‘ini tasarruf etish va undan foydalanish bilan bog‘liq barcha choralarni mustaqil ravishda amalga oshiradi.

10.9. Agar Buyurtmachi/Tashkilotchiga bog‘liq bo‘lmagan sabablarga ko‘ra 2022-yil 30-noyabrgacha Aksiya G‘olibiga Sovrinni yuborish yoki u tomonidan Sovrinni qabul qilish imkoni bo‘lmasa, shu jumladan, boshqa va quyida keltirilgan holatlarda:

- G‘olib tomonidan elektron pochta manzilini o‘chirilishi yoki elektron pochta manziliga kirish huquqining yo‘qotilishi;

- G‘olib tomonidan elektron pochta manzilining noto‘g‘ri kiritilishi;

- kompyuter tizimlari, pochta serverlari, Internet-provayder tarmog‘idagi to‘xtalishlar, nosozliklar, xatolikar;

- Internetdagi to‘xtalishlar, nosozliklar va xatolikar;

- internet, elektr energiyasining yetishmasligi/bloklanishi;

- Aksiya G‘olibining pochta manzillari ko‘rsatilgan pochta aloqasi xizmatlari va (yoki) saytlarni davlat organlari tomonidan bloklanishi, ularni ekstremistik va (yoki) terroristik deb topilishi

Aksiyaning bunday Sovrini talab qilinmagan deb topiladi, tegishli G‘olib tomonidan qayta talab qilinmaydi va Aksiya Buyurtmachisi tomonidan o‘z xohishiga ko‘ra tasarruf etiladi.

10.10. Aksiya ishtirokchilari butun Aksiya davrida o‘z mobil raqamlariga kiruvchi qo‘ng‘iroqlar va matnli xabarlar orqali ulanishga imkoniyatni yaratishda javobgardir.

10.11. Aksiya Sovrinini olish huquqi Aksiya G‘olibi tomonidan uchinchi shaxsga o‘tkazilishi mumkin emas.

Yutilgan sovrinni Aksiyaning boshqa sovrinlari bilan almashtirishga yo‘l qo‘yilmaydi (ushbu Qoidalarning 7.5. bandi bundan mustasno). Sovrinlar o‘rniga ekvivalent miqdordagi pul to‘lanmaydi.

10.12. Aksiya sovrinlari soni cheklangan va ushbu Qoidalarda ko‘rsatilgan miqdorni tashkil qiladi. Tashkilotchining Ishtirokchilarga sovrinlar berish majburiyatlari ushbu Qoidalarning 7.2-bandi, 7.3-bandi va 7.4-bandida ko‘rsatilgan Sovrin jamg‘armasining umumiy miqdori bilan cheklanadi. Shu munosabat bilan, Aksiya Ishtirokchisi hech qanday badal, shu jumladan pul ko‘rinishidagi badalni talab qila olmaydi.

10.13. Aksiya sovrinlarini olish munosabati bilan G‘oliblar qoplashi kerak bo‘lgan jismoniy shaxslardan olinadigan daromad solig‘ini to‘lash O‘zbekiston Respublikasining soliq qonunchiligiga muvofiq soliq agenti bo‘lganligi uchun Tashkilotchi tomonidan mustaqil ravishda amalga oshiriladi.

10.14. Aksiya Sovrinini olish, egalik qilish va tasarruf etish munosabati bilan O‘zbekiston Respublikasi (yoki) boshqa davlatlar byudjetiga boshqa to‘lovlarni, yig‘imlarni, soliqlarni, komissiya va boshqa qo‘shimcha to‘lovlarni to‘lash bevosita G‘olib tomonidan amalga oshiriladi.

11. XARAJATLAR. JAVOBGARLIKNING CHEKLANISHI

11.1. Tashkilotchi ham, Buyurtmachi ham, Texnik hamkor ham quyidagilar uchun javobgar emas:

11.1.1. Ishtirokchilar tomonidan Aksiyada ishtirok etish va (yoki) sovrinlarni olish bilan bog‘liq majburiyatlarning bajarilmasligi (o‘z vaqtida bajarmasligi);

11.1.2. Ishtirokchilarni Aksiya qoidalari bilan, shuningdek, Aksiya natijalari bilan tanishtirmaslik;

11.1.3. Ishtirokchilardan xatlar, qo‘ng‘iroqlar va/yoki elektron xabarlar, shu jumladan pochta aloqasi, aloqa tashkilotlari aybi bilan, Aksiya davomida foydalanilgan Internet va/yoki aloqa kanallarida texnik nosozliklar va/yoki firibgarlik natijasida kelib tushmasligi;

11.1.4. Ishtirokchilardan Sovrinlarni olish uchun zarur bo‘lgan hujjatlar va/yoki ma’lumotlarni olmaslik (kechiktirib olish);

11.1.5. Ishtirokchilardan Aksiyani o‘tkazish va Sovrinlarni topshirish uchun zarur bo‘lgan shaxsga doir, aloqa va/yoki boshqa ma’lumotlar to‘liq bo‘lmagan, noto‘g‘ri ko‘rinishda olish;

11.1.6. Aksiya Tashkilotchisining aybisiz yuzaga kelgan uyali aloqa operatorlari, Internet-provayderlarning texnik to‘xtalishlari, nosozliklari, profilaktika ishlari va hokazolar uchun;

11.1.7. Aksiyada ishtirok etish va (yoki) Sovrinni olish bilan bog‘liq Ishtirokchi tomonidan yetkazilgan har qanday xarajatlar va (yoki) zararlar uchun.

11.1.8. yengib bo‘lmas kuch oqibatida (fors-major), shu jumladan COVID-19 tufayli favqulodda holat va/yoki sanitariya-epidemiologik cheklovlar/taqiqlar joriy etilganda.

11.2. Aksiyaning barcha Ishtirokchilari Aksiyada ishtirok etish bilan bog‘liq barcha har qanday xarajatlarni (shu jumladan, Internetdan foydalanish, Aksiya haqida har qanday ma’lumotni olish, Aksiya mahsulotini sotib olish va boshqalar bilan bog‘liq xarajatlarni) mustaqil ravishda to‘laydilar.

11.3. Aksiya Tashkilotchisi va (yoki) Buyurtmachisi va Texnik hamkori Aksiya sovrinlariga bo‘lgan huquq bilan bog‘liq har qanday nizolar uchun javobgar emas. Qanday holat bo‘lmasin, nizolar bo‘yicha yakuniy qaror Buyurtmachi tomonidan qabul qilinadi va bunday qaror bo‘yicha shikoyat bildirib bo‘lmaydi.

Egalik, mobil telefon raqami, elektron pochta manzili, Aksiya mahsuloti, chek bo‘yicha uchinchi shaxslar bilan nizolar yuzaga kelsa, na Tashkilotchi, na Buyurtmachi va na Texnik hamkor ularni hal qilishda ishtirok etmaydi. Bunday barcha nizolar nizolashayotgan tomonlar o‘rtasida mustaqil ravishda va o‘z mablag‘lari hisobidan hal qilinadi.

12. SHAXSGA DOIR MA‘LUMOTLAR

12.1. Aksiyada ishtirok etish orqali Ishtirokchi O‘zbekiston Respublikasi qonunchiligida nazarda tutilgan, xususan O‘zbekiston Respublikasining 2019 yil 21 iyundagi O‘RQ-547-son «Shaxsga doir ma’lumotlar to‘g‘risida»gi Qonuni va ushbu Qoidalarda nazarda tutilgan hollarda va hajmda aniq va haqiqiy (ishonchli) ma’lumotlarni ko‘rsatishga, shuningdek, o‘z xohishiga ko‘ra va o‘z manfaatlarini ko‘zlab Tashkilotchi, Buyurtmachi va Texnik hamkorning ishonchli vakillariga taqdim etilgan shaxsga doir va boshqa ma’lumotlarni to‘plash, qayta ishlash, uzatish, shu jumladan transchegaraviy, foydalanish, saqlashga roziligini bildiradi.

12.2. Aksiya G‘olibi Aksiyada ishtirok etish orqali Tashkilotchi, Buyurtmachi va ularning ishonchli vakillariga o‘zining shaxsga doir ma’lumotlari, oldindan yozma roziligi bilan, fotosuratlari, intervyulari, telefon raqamlari, e-mail va (yoki) u haqidagi boshqa materiallardan Buyurtmachining reklama va marketing maqsadlarida foydalanishi uchun rozilik beradi, bundan tashqari, quyidagilar ham shular sirasiga kiradi: Buyurtmachi, Tashkilotchi va ularning ishonchi vakillariga Ishtirokchining ma’lumotlari va materiallarini hudud, vaqt va foydalanish usullari bo‘yicha cheklovlarsiz ommaviy axborot vositalarida, istalgan bosma nashrlarda e’lon qilish huquqi beriladi; bunday foydalanish Aksiya Tashkilotchisi yoki Buyurtmachisi tomonidan Ishtirokchiga hech qanday tarzda qoplanmaydi (to‘lanmaydi).

12.3. Aksiyada ishtirok etish orqali har bir Ishtirokchi amal qilish muddati cheklamagan holda Buyurtmachi, Tashkilotchi va ularning ishonchli vakillari tomonidan SMS xabarlar, yangiliklar va boshqa axborot/reklama xabarlarini (pochta jo‘natmalarini) kelgusida o‘z mobil telefoni raqamiga, e-mail manziliga qabul qilinishiga roziligini beradi.

12.4. Ishtirokchi istalgan vaqtda help@kz.alpengold.me elektron pochta manziliga yozma xabar yuborish orqali ushbu ma’lumotni olishni rad etishga haqli.

12.5. Ishtirokchilar Aksiya o‘tkazilishi maqsadida ular tomonidan ixtiyoriy ravishda taqdim etilgan shaxsga doir va boshqa ma’lumotlar Tashkilotchi, Texnik hamkor va/yoki Operator tomonidan qayta ishlanishiga, shuningdek, ularning ishonchli vakillari tomonidan ma‘lumotlarni qayta ishlashning avtomatlashtirilgan vositalaridan foydalangan holda qayta ishlanishiga rozilik beradilar.

12.6. Ishtirokchi istalgan vaqtda Qoidalarning 12.2-bandida ko‘rsatilgan roziligini bekor qilishga haqli. Ishtirokchi, Tashkilotchi, Buyurtmachi va ularning ishonchli vakillari tomonidan rozilikni bekor qilish to‘g‘risida bildirishnoma olingan kundan boshlab bunday Ishtirokchining shaxsiy ma’lumotlariga ishlov berishni to‘xtatish va shaxsga doir ma’lumotlarni yo‘q qilish o‘n ish kunidan oshmasligi kerak. Shu bilan birga, Ishtirokchining Aksiyada kelgusida ishtirok etishiga va Aksiya Sovrinlarini olishga yo‘l qo‘yilmaydi.

12.7. Shaxsga doir va boshqa ma’lumotlarni qayta ishlash, yig‘ish, uzatish, shu jumladan transchegaraviy, foydalanish, saqlashga Aksiya Ishtirokchisi tomonidan rozilik Aksiya boshlangan kundan boshlanadi va uning tugash sanasidan keyin 1 (bir) yilgacha bo‘lgan davr uchun taqdim etiladi. Aksiya Ishtirokchilarining shaxsga doir va boshqa ma’lumotlari O‘zbekiston Respublikasi qonunchiligi talablariga muvofiq maxfiylik asosida Qoidalarning ushbu bandida ko‘rsatilgan muddat tugagunga qadar saqlanadi va qayta ishlanadi, shundan so‘ng Ishtirokchilarning ma’lumotlari Tashkilotchi va (yoki) Buyurtmachi tomonidan yo‘q qilinishi kerak.

13. BOSHQA SHARTLAR

13.1. Aksiyada ishtirok etish orqali Ishtirokchi Aksiyada qatnashish uchun barcha Qoidalar va shartlar bilan tanishganligini hamda ularga to‘liq va so‘zsiz roziligini tasdiqlaydi.

13.1.2. G‘olib Tashkilotchi va (yoki) Buyurtmachi tomonidan unga haq to‘lamasdan, «Barni» tovar belgisi Aksiyasini reklama qilish va (yoki) e’lon qilish maqsadida uning surati, intervyulari va o‘zi ishtirokidagi boshqa foto va boshqa materiallardan foydalanishga o‘z roziligini bildiradi.

Ishtirokchi Tashkilotchiga bunday materiallardan ommaviy reklama yoki Aksiya (shuningdek ) va uning natijalarini, shuningdek «Barni» savdo belgisi ostida, e’lon qilish maqsadida efirga uzatish, ommaviy namoyish qilish va boshqa mutlaq bo‘lmagan mualliflik huquqlaridan foydalanish huquqini beradi.

13.1.3. Tashkilotchi Ishtirokchiga tegishli materiallarni ommaviy axborot vositalarida, Saytda, Internetda joylashtirishdan oldin Ishtirokchi bilan oldindan yozma kelishilgan holda tahrir qilish huquqini o‘zida saqlab qoladi.

13.2. Aksiya Tashkilotchisi o‘z xohishiga ko‘ra, Ishtirokchilarga sabablarini tushuntirmasdan va ular bilan yozishmalar olin bormasdan Aksiya Ishtirokchilarining har qanday harakatlarini haqiqiy emas deb topishga, shuningdek, Aksiyada ularning keyingi ishtirok etishni taqiqlash, Ishtirokchi ma’lumotlarni soxtalashtirishi yoki ma’lumotlarning har qanday soxtalashtirilishdan foyda olishga harakati bo‘yicha Tashkilotchida asosli shubhalar mavjud bo‘lgan har qanday shaxsga Sovrinni topshirmaslikka haqli.

13.3. Aksiyada ishtirok etish orqali har bir Ishtirokchi amal qilish muddati cheklamagan holda, Buyurtmachidan, ularning ishonchli vakillaridan kelgusida uning mobil telefon raqamiga, elektron pochta manziliga matnli xabarlar, yangiliklar va boshqa axborot/reklama xabarlarini (pochta jo‘natmalarini) olishga rozilik beradi.

Ishtirokchi istalgan vaqtda mdlz.consumer@mdlz.com elektron pochta manziliga tegishli yozma xabar yuborish orqali yuqdorida qayd etilgan ma’lumotlarni olishni rad etishga haqli.

13.4. Ushbu Qoidalarni bir xil talqin qilish bo‘yicha norozilik yuzaga kelganda, har qanday nizoli masalalar va/yoki ushbu Qoidalar bilan tartibga solinmagan boshqa masalalar bo‘yicha yakuniy qaror Buyurtmachi tomonidan O‘zbekiston Respublikasining amaldagi qonunchiligi talablariga muvofiq qabul qilinadi. Barcha da’vo va shikoyatlar Buyurtmachi tomonidan qabul qilinadi.

13.5. Ushbu Qoidalarda nazarda tutilmagan boshqa barcha holatlar bo‘yicha Aksiya Tashkilotchisi/Buyurtmachisi/Texnik hamkori va Ishtirokchilar O‘zbekiston Respublikasining amaldagi qonunchiligiga amal qiladilar.