Bizning doimiy "Narxlar nomutanosibligi" aksiyamiz shartlariga o‘zgartirishlar kiritilganligiga e'tibor qaratishingizni so‘raymiz. 2022-yil 19-martdan boshlab aksiya kassadagi mahsulot narxi narxnomada ko‘rsatilgan narxdan yuqori bo‘lgan taqdirda amal qiladi.

Aksiyaning yangilangan shartlari bilan quyida tanishishingiz mumkin:
Kassadagi mahsulot narxi narxnomadagi narxdan yuqori ekanligini aniqlagach, Xaridor do’kon Ma’muriyatini (do’kon menejeri yoki supervayzerni) ogohlantirishi lozim. Do’kon vakili bilan birga Xaridor mahsulot turgan peshtaxta yoniga keladi, taqqoslash uchun chekni ko’rsatadi.
Xarid vaqtida nomutanosiblik tasdiqlansa, Ma’muriyat vakili Xaridor ismi, mahsulot nomi va xarid sanasini ko’rsatib Ariza to’ldiradi.
Zararni qoplash uchun Xaridorga o’sha mahsulotdan yana 1 (bir) dona beriladi. Agar mahsulot o’lchanadigan bo’lsa, unga aksiyaga ko’ra o’sha mahsulotdan 1 (bir) kg beriladi. Narxlari nomuvofiq bo’lib aniqlangan mahsulotlar sonidan qat’iy nazar xaridorga o’sha mahsulotdan yana 1 (bir) dona yoki 1 (bir) kg beriladi.
Mazkur qoida kassadagi mahsulot narxi narxnomadagi narxdan yuqori bo’lgan taqdirda, shuningdek bir vaqtning o’zida bir nechta xaridor ayni turda murojaat qilganida ham amal qiladi.
Aksiyadagi mahsulot bo’lmasa, Xaridor xuddi shu narxdagi boshqa bir savdo belgisi mahsulotini tanlashga haqli. Aksiya doirasida pul bilan qoplanishi yoki shu mablag’ga boshqa mahsulotdan bir nechta olish mumkin emas.