Mundarija

• 1. Kodeksning maqsad va vazifalari
• 2. Qo'llanilish doirasi
• 3. Kompaniyaning Missiyasi va Qarashlari
• 4. Korporativ qadriyatlar
• 5. Asosiy axloqiy tamoyillar
• 6. Ishbilarmonlik odobi
• 7. Axborotning maxfiyligi
• 8. Saqlash

1-modda

Kodeksning maqsad va vazifalari

• “Anglesey Food” MChJ XK (keyingi o‘rinlarda “Kompaniya” deb yuritiladi) barcha manfaatdor tomonlar: xodimlar, mijozlar, hamkorlar, davlat idoralari bilan halol, ishonchli va adolatli munosabatlarga intiladi. Biznes etikasi kodeksi (keyingi o‘rinlarda “Kodeks” deb yuritiladi) korporativ madaniyatni qo‘llab-quvvatlovchi Kompaniyaning axloqiy tamoyillari va qadriyatlarini belgilaydi, bu esa bunday munosabatlarni o‘rnatishga yordam beradi.
  
  Kodeks xodimlarga aniq qoidalar yoki to‘g‘ridan-to‘g‘ri nazorat mavjud bo‘lmagan qiyin vaziyatlarda kompaniyaning qadriyatlari va axloqiy tamoyillariga muvofiq to‘g‘ri qarorlar qabul qilishga yordam berishi kerak va Kodeks qoidalari buzilgan taqdirda xodimning harakatlari tartibini tavsiflaydi.
  
  Agar Kompaniya xodimida nima qilish kerakligi haqida hali ham savollar bo‘lsa va javobni ushbu hujjatdan topolmasa, u tushuntirish va yordam olish uchun Etika bo‘yicha komissiyasi a’zolariga murojaat qilishi mumkin.

2- modda

Qo‘llanilish doirasi

• Ushbu Kodeksda bayon etilgan normalar va tamoyillar, lavozim darajasidan, bo‘linmaning hududiy joylashuvidan qat’i nazar, Kompaniyaning barcha xodimlari uchun majburiydir.
  
  Xodimlar Kompaniyaning qadriyatlari va axloqiy tamoyillariga zid bo‘lgan qarorlar qabul qilish yoki biror harakatlarni amalga oshirish huquqiga ega emas.
  
  Kompaniyaning barcha xodimlari ushbu Kodeks talablari bilan shaxsan tanishishlari, ularga rioya qilishlari va buni Kodeks talablari bilan tanishish va rozilik bildirish to‘g‘risidagi Deklaratsiyani imzolash orqali tasdiqlashlari kerak (5-ilova).
  
  Barcha bo‘linmalarning rahbarlari xodimlar tomonidan ushbu Kodeks talablariga rioya etilishini nazorat qilishlari shart.
  
  Har bir xodim ushbu Kodeksda belgilangan talablarga rioya qilmaslik intizomiy, shu jumladan ishdan bo‘shatishgacha bo‘lgan jazoga olib kelishini tushunishi kerak.
  
  Kompaniya kodeksida yoki O‘zbekiston Respublikasi qonunchiligida nazarda tutilgan nomaqbul xatti-harakatlar to‘g‘risida xabarnoma, shikoyat berish va ularga Kompaniya tomonidan javob berish tartibi Qonunbuzarliklar haqida xabar berish Siyosatida bayon etilgan.

3- modda

Kompaniyaning Missiyasi va Qarashlari

• Kompaniyaning Missiyasi:
  Biz eng yaxshi milliy an’analarni saqlab qolgan holda, zamonaviy chakana savdo madaniyatini olib boramiz.
  
  Kompaniyaning qarashlari:
  O‘zbekistondagi zamonaviy chakana savdoning yetakchisi, ishonchli hamkori, novatori va kashshofi. Biz mijozlarimiz, hamkorlarimiz va xodimlarimizni boshqalarga qaraganda yaxshiroq tushunamiz. Bizda qulay joylashuvlar, zamonaviy texnologiyalar, sifatli tovarlar, xizmat ko‘rsatish va do‘stona muhit mavjud.

4-modda

Korporativ qadriyatlar

• Mijozlarga yo‘naltirilganlik
  Mijozni chuqur tushunish va uning ehtiyojlarini samarali qondirish — doimo bizning ustuvor vazifalarimizdandir.
  
  Shaffoflik va o‘zaro hurmat
  Biz mijozlarimiz, hamkorlarimiz va xodimlarimizga nisbatan ochiq, halol va hurmat bilan harakat qilamiz.
  
  Jalb etilganlik
  Biz xodimlarimizdan mas’uliyatli, tashabbuskor bo‘lishlarini, kompaniya manfaati uchun qaror qabul qilishda egalik hissi va mustaqillikni namoyon etishlarini kutamiz.
  
  Innovatsionlik
  Biz doimo rivojlanib, o‘z ustimizda ishlayapmiz, yangi texnologiyalarni joriy qilmoqdamiz, biznes jarayonlarini takomillashtiramiz va kompaniya resurslaridan oqilona foydalanamiz.
  
  Har jabhada mukammallik
  Biz doimiy ravishda takomillashib boramiz va mijozlarimiz, hamkorlarimiz va aksiyadorlarimizning kutganlaridan ortig‘iga erishamiz.
  * Ushbu Kodeks kontekstida “Biz” so‘zi Kompaniyaning barcha xodimlarini anglatadi..

5-modda

Asosiy axloqiy tamoyillar

• Halollik va ishonch
  Barcha xodimlar chakana savdo sohasida halol va shaffof kompaniya sifatida o‘zini namoyon qilgan Kompaniya obro‘sini himoya qilishga majburdirlar. Kompaniya xodimlaridan barcha biznes munosabatlarida professional, adolatli va halol harakat qilishlari talab qilinadi.
  
  Biz raqobatchilarimizni hurmat qilamiz. Biz doimiy ravishda mavjud va potensial raqobatchilarning faoliyatini tahlil qilamiz, ularning kuchli va zaif tomonlarini aniqlaymiz, lekin har doim halol raqobat qoidalariga va normativ-huquqiy hujjatlarga rioya qilamiz.
  
  Biz ommaviy axborot vositalari bilan munosabatlarimizda yuqori axloqiy me’yorlarni qo‘llab-quvvatlaymiz va reklama faoliyatimizda noto‘g‘ri ma’lumotlar tarqatish, faktlarni yashirish va/yoki noto‘g‘ri ko‘rsatishga yo‘l qo‘ymaymiz.
  
  Qonunlar va korporativ normalarga rioya qilish
  Kompaniyaning barcha xodimlari mahalliy va xalqaro qonunlar, Kompaniyaning ichki tartiblari va qoidalari talablariga qat’iy rioya qilishlari kerak. Kompaniya shaxsiy manfaatlar uchun yoki Kompaniya nomidan qilingan har qanday noqonuniy faoliyatga yo‘l qo‘ymaydi.
  
  Kompaniya monopoliyaga qarshi qonunchilik talablariga rioya qiladi. Kompaniyaning yetkazib beruvchi va pudratchilarini tanlash erkin raqobat tamoyillariga muvofiq amalga oshiriladi.
  
  Barcha buxgalteriya hisobi va boshqa hujjatlar amaldagi qonunchilik talablariga, amaldagi buxgalteriya hisobi va hisobot standartlariga, qabul qilingan ichki qoidalarga muvofiq bo‘lishi kerak. Kompaniyada qayd etilmagan, ro‘yxatdan o‘tmagan va yashirin aktivlar bo‘lmasligi kerak.
  
  Xodimlar to‘g‘ridan-to‘g‘ri yoki bilvosita Kompaniyaning moliyaviy hisobotlari va ichki nazorat tizimining auditorlik tekshiruviga noto‘g‘ri ta’sir ko‘rsatishga yoki aralashishga harakat qilmasliklari kerak. Ichki yoki tashqi auditorlarning barcha savollariga samimiy javob berish kerak.
  
  Ushbu talablar buzilgan taqdirda xodim darhol bosh buxgalter va Etika qo‘mitasiga xabar berishi kerak.
  
  Mijozlar oldida javobgarlik
  Inson salomatligi va sotilayotgan tovarlar ishonchliligini har qanday moliyaviy foydadan ko‘ra oliy darajada ko‘rgan holda, shuningdek mijoz manfaatlarini qisqa muddatli yuqori daromaddan ustun qo‘ygan holda Kompaniya o‘z mijozlariga sifatli va xavfsiz mahsulotlarni arzon narxlarda taklif qiladi.
  
  Kompaniya mahsulot marketingi suiiste’moliga nisbatan zaif bo‘lgan mijozlar guruhlari, masalan bolalar uchun mas’uliyatli marketingni o‘z zimmasiga oladi.
  
  Xodimlar bilan munosabatlar
  Kompaniya xodimlari katta qadriyat sanaladi va ular muvaffaqiyatimiz kalitidir. Kompaniya xodimlar ochiq va ilhomlantiruvchi ish muhitida o‘z potentsialini ro‘yobga chiqarishi mumkin bo‘lgan ish joyiga aylanishga intilishi kerak. Kompaniya o‘z xodimlari bilan munosabatlarni uzoq muddatli hamkorlik, o‘zaro hurmat va o‘zaro majburiyatlarni so‘zsiz bajarish tamoyillari asosida quradi.
  
  Kompaniya o‘z xodimlarini quyidagilar uchun qadrlaydi:
  • malaka va professionallik,
  • mas’uliyat va intizom,
  • tashabbuskorlik va natijalarga yo‘naltirilganlik,
  • kasbiy rivojlanishga intilish,
  • Kompaniyaga sodiqlik,
  • tartiblilik.
  Kompaniya barcha xodimlar va nomzodlar uchun teng martaba imkoniyatlarini taqdim etishga intiladi. Bu shuni anglatadiki, Kompaniya xodimlari lavozimi, aloqa turi va usulidan qat’i nazar, o‘z hamkasblariga nisbatan xushmuomalalikni rad etadilar. Kadrlar bilan bog‘liq barcha masalalarda (saralash, yollash, xodimlarni o‘qitish, ish haqi oshishi va karyeraviy o‘sish) biz odamlarni jinsi, yoshi, irqi, terisining rangi, tili, millati yoki ijtimoiy kelib chiqishi, dini, oilaviy ahvoli, mulkiy holati asosida ajratmaymiz.
  
  Kompaniya ish joyidagi jismoniy, og‘zaki, jinsiy yoki psixologik zo‘ravonlik va ta’qiblarning oldini olish, xabar berish va tekshirish mexanizmlarini o‘rnatadi. Kompaniya o‘z xodimlarini sog‘lom va xavfsiz mehnat muhiti bilan ta’minlash uchun amaldagi qonunchilikka muvofiq zarur choralarni ko‘radi. Qo‘shimcha ma’lumot uchun Zo‘ravonlik va diskriminatsiyaga qarshi Siyosatga qarang.
  
  Kompaniya majburiy mehnatning har qanday shakliga yo‘l qo‘ymaydi. Ishchilarga ish kuni tugaganidan keyin erkin harakatlanishi va ish joylarini tark etishiga ruxsat berilishi kerak.
  
  Kompaniya hech qanday sharoitda bolalar mehnatidan foydalanishga yo‘l qo‘ymaydi. To‘liq vaqtli ish uchun minimal yosh qonunchilikda belgilangan mehnat yoshiga mos kelishi kerak.
  
  Kompaniya barcha xodimlar uchun ochiq eshiklar siyosatini yuritadi. Bu har qanday xodim uchun uning bevosita rahbari o‘z bo‘ysunuvchisini tinglashi va shunga mos ravishda javob berishi shartligini anglatadi.
  
  Kompaniya xodimlarning korporativ madaniyat va ichki hamkorlikni rivojlantirishga hissa qo‘shadigan kompaniya hayotidagi faol ishtirokini mamnuniyat bilan qabul qiladi, xodimlarning amalga oshirilishi yanada yaxshi va yanada raqobatbardosh bo‘lishga imkon beruchi har qanday g‘oyalarini qadrlaydi va har tomonlama rag‘batlantiradi.
  
  Kompaniya jamoada qulay ijtimoiy-psixologik muhitni saqlash uchun barcha sa’y-harakatlarni amalga oshiradi. Xodimlar o‘rtasidagi barcha kelishmovchiliklar ularning bevosita rahbari tomonidan, kerak bo‘lganda, Xodimlar bilan ishlash Departamentining vakolatli shaxsi bilan hamkorlikda hal qilinadi. Har qanday nizoni uchinchi shaxslarning mulkiga aylantirish mumkin emas.
  
  Tashqi kommunikatsiyalar
  Marketing departamenti axborotni yig‘ish va ommaviy axborot vositalariga tarqatish uchun javobgardir. Marketing departamenti jamoasi, top-menejerlar (o‘z yo‘nalishi bo‘yicha) va Kuzatuv kengashi a’zolaridan tashqari, boshqa hech bir xodim “Anglesey Food” MCHJ XK faoliyati haqida marketing bo‘yicha direktorning oldindan roziligisiz Kompaniya nomidan ommaviy axborot vositalari bilan suhbatlasha olmaydi, matbuot va radioeshittirish muassasalarida, ijtimoiy tarmoqlar tashkilotlarida bayonotlar bera olmaydi.
  
  Kompaniyaning har bir xodimi uning Kompaniya xodimi sifatida bildirgan har qanday nuqtai nazari yoki tarqatilgan ma’lumotlar Kompaniyaning o‘ziga, uning imidjiga bevosita bog‘liqligini va uning bozordagi obro‘siga ta’sir qilishini tushunishi va doimo yodda tutishi kerak. Barcha tashqi aloqalar halol, to‘liq, to‘g‘ri va chalg‘itmaydigan bo‘lishi kerak.
  
  Kompaniya barcha xodimlaridan Tashqi kommunikatsiyalar siyosatiga rioya qilishlarini kutadi.
  
  Kompaniya xodimlari bo‘sh vaqtlarida o‘z manbalaridan foydalangan holda siyosiy tadbirlarda ishtirok etishlari mumkin. Xodimlar o‘zlarining mustaqil siyosiy faoliyati va “Anglesey Food” MChJ XK vakili sifatidagi faoliyati o‘rtasini ehtiyotkorlik bilan chegaralashlari kerak. Biroq, bu faoliyatlar ish vaqtidan tashqari amalga oshirilishi va hech qanday manba yoki kompaniya nomidan foydalanilmasligi kerak, amaldagi qonunlar va qoidalarda boshqacha qoida nazarda tutilgan hollar bundan mustasno. Shu bilan birga, kompaniya xodimning siyosiy faoliyati uchun javobgar emas
  
  Yetkazib beruvchilar va biznes-hamkorlar bilan munosabatlar
  Kompaniya yetkazib beruvchilar va biznes-hamkorlar bilan barcha munosabatlarda professional, adolatli va halol harakat qiladi; noqonuniy yoki axloqiy bo‘lmagan vositalar orqali tijorat afzalliklarini ta’minlamaydi va raqobat to‘g‘risidagi qonunni buzadigan faoliyat bilan shug‘ullanmaydi.
  
  Kompaniya xavfsiz va sog‘lom ish muhitini ta’minlovchi yetkazib beruvchi kompaniyalar bilan biznes aloqalarini saqlab turadi va ushbu standartlarga rioya etilishini muntazam tekshiradi. Kompaniya o‘zining ta’minot zanjiridagi siyosati va amaliyotlarini, jumladan, xavfsizlik va atrof-muhitni yaxshilashni qo‘llab-quvvatlaydi.
  
  Kompaniya barcha biznes-hamkorlaridan amaldagi qonunchilikka muvofiq harakat qilishlarini kutadi.
  
  Xodimlar Kompaniya hisobidan shaxsiy manfaatlarga olib keladigan hech qanday harakat qilmasliklari kerak. Xodimlar tenderlar, tanlovlar va savdolar o‘tkazishda, bitimlar tuzishda va ularni amalga oshirishda firibgarlik faoliyati bilan shug‘ullanmasligi, o‘z mansab vakolatlaridan tashqariga chiqmasligi, shuningdek, boshqa aldov harakatlariga yo‘l qo‘ymasligi kerak.
  
  Xodimlar taqdim etilishi qandaydir tarzda kompaniyaga bo‘lgan munosabat bilan bog‘liq sovg‘alarni qabul qilish yoki qabul qilmaslik to‘g‘risida baholashda quyidagi tavsiyalarga rioya qilishlari kerak:
  • Sovg‘a berishga erishishga urinmaslik kerak. Xodimlar, ularning oila a’zolari va affillangan shaxslarga beruvchiga Kompaniya qarorlariga ta’sir o‘tkazish imkoniyatini taqdim etish evaziga har qanday sovg‘a yoki xizmatlarni so‘rash va olish qat’iyan man etiladi.
  • Olinishi oluvchining sovg‘a qiluvchiga nisbatan har qanday majburiyatlar paydo bo‘lishiga olib kelishi mumkin bo‘lgan sovg‘alarni qabul qilmaslik kerak.
  • Naqd pul yoki qimmatli qog‘oz ko‘rinishidagi sovg‘alarni qabul qilmaslik kerak.
  • Qiymati 500 000 so‘mdan ortiq bo‘lgan sovg‘alar faqat sovg‘ani rad etish haqorat sifatida qabul qilinishi mumkin bo‘lgan taqdirdagina qabul qilinadi. Bunday sovg‘alarni taqdim etish haqida darhol Etika bo‘yicha komissiyaga xabar berish kerak.
  
  
  Xodimlar Kompaniyaning manfaatlari va obro‘siga putur yetkazishi mumkin bo‘lgan har qanday shaxsiy manfaatlar yoki faoliyatlar to‘g‘risida Etika bo‘yicha komissiyaga xabar berishlari, shuningdek, mumkin bo‘lgan manfaatlar to‘qnashuvini baholashlari va agar mavjud bo‘lsa, darhol o‘z rahbarini xabardor qilishlari shart. Batafsil ma’lumot uchun Manfaatlar to‘qnashuvi Siyosatiga qarang.
  
  Poraxo‘rlik va korrupsiyaga qarshi kurash
  Kompaniya xodimlari davlat mansabdor shaxslariga, davlat xizmatchilariga, xalqaro tashkilotlar xodimlariga va ularning oila a’zolariga Kompaniya manfaatlari yo‘lida rasmiy ta’sir ko‘rsatish evaziga har qanday shaklda noqonuniy foyda olish uchun g‘ayriqonuniy to‘lovlarni amalga oshirmasligi kerak. G‘ayriqonuniy to‘lovlarni amalga oshirish bilan bog‘liq har qanday vaziyatning oldini olish uchun (shu jumladan, Kompaniya uchun tijorat yoki boshqa manfaatlarga erishish maqsadida amalga oshirilgan) xodimlar sog‘lom fikrga tayanishlari kerak.
  
  Davlat amaldorlari uchun ko‘ngilochar dasturlar asosli bo‘lishi, oqilona chegaralardan tashqariga chiqmasligi va Kompaniya faoliyati bilan bevosita bog‘liq bo‘lmasligi kerak. Xuddi shunday, barcha sovg‘alar qiymati 500 000 so‘mdan oshmaydigan maqbul minimal qiymatda bo‘lishi kerak va har qanday masalada Kompaniyani vakillik qilishda nohaq ustunlikka ega bo‘lishni nazarda tutmasligi kerak.
  
  

6-modda

Ishbilarmonlik odobi

• Kompaniyaning xodimi, lavozimidan, munosabat turi va usulidan qat’i nazar, quyidagi qoidalarga amal qiladi:
  • Hamkasblarga o‘zaro hurmat ko‘rsatish;
  • His-tuyg‘ularini nazorat qilish (odobsiz so‘zlarni ishlatmaslik, baland ovozda gapirmaslik, qo‘l ko‘tarmaslik);
  • Fitnalar, mish-mishlar, g‘iybatlarni to‘xtatish;
  • Shaxsiyatni emas, balki harakatlarni muhokama qilish;
  • Xodimlarning xususiy (shaxsiy) hayotini hurmat qilish, shaxsning suverenitetini hurmat qilish;
  • Ish muhitiga do‘stlikni olib kirmaslik;
  • Hamkasblariga yomon kayfiyatini ko‘rsatmaslik;
  • Yaxshi bajarilgan ish uchun hamkasblarga minnatdorchilik bildirish.

7-modda

Axborotning maxfiyligi

• Xodimlar Kompaniyaning quyidagi maxfiy ma’lumotlari xavfsizligini ta’minlashi va uning Kompaniya ichida va tashqarisida tarqalishiga yo‘l qo‘ymasliklari kerak:
  • Kompaniyaning strategik va operativ rejalari;
  • Kompaniyaning moliyaviy natijalari va marketing faoliyati to‘g‘risidagi ma’lumotlar;
  • Kompaniyaning yetkazib beruvchilari va hamkorlari to‘g‘risidagi ma’lumotlar;
  • Kompaniyada qo‘llaniladigan texnologiyalar, uskunalar, avtomatlashtirilgan tizimlar haqidagi ma’lumot;
  • Kompaniyaning texnik xavfsizlik tizimlari to‘g‘risidagi ma’lumotlar;
  • Kompaniya xodimlari to‘g‘risidagi ma’lumotlar (shtat jadvali, xodimlarning shaxsiy ma'lumotlari, ish haqi to‘g‘risidagi ma’lumotlar va boshqalar);
  • Ichki me’yoriy hujjatlar;
  • Hamkasblarning shaxsiy hayotiga ta'sir qiladigan yoki hamkasblarning his-tuyg‘ulariga putur yetkazadigan ichki nizolar, kelishmovchiliklar va hodisalar haqidagi ma’lumotlar.
  
  Xodimlar tomonidan Kompaniyada ishlagan davrida ishlab chiqilgan ichki me’yoriy hujjatlar Kompaniyaning mulki hisoblanadi.
  
  “Anglesey Food” MChJ XK da ish boshlash bilan xodimlar tijorat sirlarini saqlash majburiyatini oladilar. “Anglesey Food” MChJ XK ning maxfiy ma’lumotlarini saqlash majburiyati Kompaniyadagi ishni tugatish bilan bekor qilinmaydi.

8-modda

Saqlash

• Ushbu Siyosatning asl nusxasi Xodimlar bilan ishlash departamentida saqlanadi.